मोठ्या संख्येने उपस्थित रहा....

 पहेलगाम घटनेच्या पार्श्वभूमीवर परळीत श्री भगवान परशुराम जयंतीची शोभायात्रा रद्द

 परळी वैजनाथ, प्रतिनिधी...

       सकल ब्राह्मण समाजाच्या वतीने परळी वैजनाथ येथे दरवर्षी मोठ्या उत्साहात भगवान श्री परशुराम जयंतीची शोभायात्रा काढण्यात येते. मात्र यावर्षी जम्मू-काश्मीर येथील पहेलगाम मध्ये झालेल्या दहशतवादी हल्ल्याच्या घटनेत काही देश बांधव मृत्युमुखी पडले तर काहीजण जखमी झाले आहेत. अशा दुर्दैवी प्रसंगात उत्सव साजरा करणे संयुक्तिक नाही. त्यामुळे यावर्षीची शोभायात्रा रद्द करण्याचा निर्णय घेण्यात आला आहे.

       परळी वैजनाथ येथे दरवर्षी भगवान श्री परशुराम जयंती निमित्त भव्य दिव्य व मोठ्या उत्साहात शोभायात्रा काढण्यात येते. मात्र यावेळी ही शोभायात्रा न काढण्याचा निर्णय घेण्यात असुन केवळ घराघरात श्री भगवान परशुराम प्रतिमा पूजनाच्या कार्यक्रमाने श्री भगवान परशुराम जयंती साजरी करण्यात येणार आहे. अशी माहिती सकल ब्राह्मण समाज परळीच्या वतीने देण्यात आली आहे.