परळीकरांनी केलं आत्मीय स्वागत....!!!

श्री चिंतेश्वर विद्यालयात मुक्तछंद उन्हाळी शिबिराचे उद्घाटन

गेवराई: (प्रतिनिधी) भारतीय शिक्षण प्रसारक संस्था अंबाजोगाई संचलित श्री चिंतेश्वर प्राथमिक व माध्यमिक विद्यालयात *मुक्तछंद उन्हाळी शिबीराचे* उद्घाटन आज श्री अनिल बोर्डे यांच्या हस्ते संपन्न झाले.प्रसंगी व्यासपीठावर स्थानिक समन्वय समिती कार्यवाह श्री दत्तात्रय पत्की,शालेय शिक्षण समिती अध्यक्ष श्री अक्षय कुलकर्णी शिशुवाटिका प्रमुख श्रीम.धनश्री ताई पत्की प्राथमिक मुख्याध्यापक श्री प्रदीप जोशी माध्यमिक मुख्याध्यापक श्री अमोल गोरकर शिबिर प्रमुख श्रीम.राधा माने यांची उपस्थिती होती.

विद्यार्थ्यांचा अभ्यासक्रमासोबत सर्वांगीण विकास व्हावा या उद्देशाने श्री चिंतेश्वर विद्यालय गेवराई येथे दिनांक 2 मे 6 मे या कालावधीमध्ये मुक्तछंद उन्हाळी शिबिराचे आयोजन करण्यात आले असून या शिबिरामध्ये सूर्यनमस्कार, योगा,ध्यान,स्व-संरक्षण, मेहंदी,रांगोळी, आर्ट अँड क्रॉफ्ट नृत्य,पपेट शो,दिर्घकथा,श्रीमद् भगवत गीता १५ वा अध्याय पाठांतर,झुंबा डान्स इ.विविध कौशल्यपूर्ण घटकांचा समावेश करण्यात आलेला आहे. विद्यार्थ्यांच्या शैक्षणिक प्रगती बरोबरच त्यांची सर्वांगीण प्रगती व्हावी या उद्देशाने सदरील शिबिराचे आयोजन करण्यात आले आहे.मुक्तछंद शिबिराच्या आजच्या प्रथम दिनी शिबिरास भा.शि.प्र.संस्था कार्यवाह डॉ.श्री.हेमंत वैद्य,अर्थ समिती अध्यक्ष श्री नितीन डोळे,सुदर्शन गुळजकर यांनी भेट देऊन शुभेच्छा दिल्या.