परळी वैजनाथ ग्रामीण पोलीसात गुन्हा दाखल!

मजूराच्या १५ वर्षीय मुलीचे अपहरण

परळी वैजनाथ: प्रतिनिधी..

     तालुक्यातील पांगरी ता. परळी वै येथे राहणाऱ्या एका मजुराच्या १५ वर्षीय मुलीचे अपहरण  झाल्याप्रकरणी परळी वैजनाथ ग्रामीण पोलीस ठाण्यात गुन्हा दाखल करण्यात आला आहे.
     याबाबत पोलीस सूत्रांकडून प्राप्त अधिक माहितीनुसार,कैलास वैजनाथ आरगडे रा. ताडपांगरी ता. जि. परभणी  ह.मु. पांगरी ता. परळी वै. येथे मजूर म्हणून काम करतात. त्यांची १५ वर्षीय मुलगी बेपत्ता झाली आहे.तीस कोणीतरी अज्ञात व्यक्तीने अज्ञात कारणासाठी पळवुन घेऊन गेला आहे अशा प्रकारची फिर्याद देण्यात आली. या फिर्यादीवरून ग्रामीण पोलीस ठाण्यात गुरन- 219/2025 कलम 137 (2), BNS प्रमाणे गुन्हा नोंदविण्यात आला आहे.पुढील तपास सपोनि जाधव हे करीत आहेत.