कंत्राटदाराची हलगर्जी भोवली- परळीकरांनी आठ दिवस निर्जळी !

भोंगळ कारभार थांबवा; पाईपलाईन फुटीसारखे प्रकार थांबवून पाणीपुरवठा सुरळीत करावा -अश्विन मोगरकर

परळी वैजनाथ,प्रतिनिधी...

       महामार्गाचे काम करणाऱ्या कंत्राटदाराच्या हलगर्जीपणामुळे परळी शहराला पाणीपुरवठा करणारी जलवाहिनी फुटल्याने गणेशपार सह गावभागात आठ दिवसांपासून पाणीपुरवठा विस्कळीत झाला आहे. वारंवार होणाऱ्या पाईपलाईन फुटीच्या घटना त्वरित थांबवून किमान उन्हाळ्यात तरी पाणीपुरवठा सुरळीत रहावा व पाईपलाईन फोडणार्यावर कार्यवाही करण्यात यावी अशी मागणी भाजपा पदाधिकारी अश्विन मोगरकर यांनी मुख्याधिकारी त्रिंबक कांबळे यांच्याकडे केली आहे.

         परळी शहराला पाणीपुरवठा करणाऱ्या वाण धरणात मुबलक पाणीसाठा असूनही नियोजना अभावी व वारंवार होणाऱ्या पाईपलाईन फुटीमुळे नागरिक हैराण झाले आहेत. थर्मल कॉलनी जवळील रस्ते महामार्गाचे काम चालू असलेल्या ठिकाणी हलगर्जीपणामुळे परळी शहराला पाणीपुरवठा करणारी पाईपलाईन फुटल्याने आठ दिवसांपासून गावभागाला पाणीपुरवठा बंद आहे. यापूर्वीही अनेकवेळा विविध ठिकाणी पाईपलाईन फुटल्याच्या घटना घडल्याने नागरिकांना नाहक त्रास होत आहे. याबाबतीत अश्विन मोगरकर यांनी प्रशासनाकडे तक्रार करून पाणीपुरवठा सुरळीत करण्याची मागणी केली. 

Click:-● *नवा ट्विस्ट; दोन दिवसांपूर्वी परळीत एकाला उचलले; अपहरणाचा गुन्हाही दाखल मात्र खरच अपहरण की अन्य काही कारण ?*

      मुख्याधिकारी यांनी त्वरित दखल घेत ईटके कॉर्नर येथे पाईपलाईन दुरुस्ती ठिकाणी येऊन कामाची पहाणी करून त्वरित दुरुस्ती संदर्भात आदेश दिले. पाईपलाईन दुरुस्तीचे काम पूर्ण करून गावभागात पाणी येईल असे पाणीपुरवठा अभियंता साळवे यांनी सांगितले. वारंवार पाईपलाईन फुटण्याच्या घटनेत वाढ होत असल्याने नागरिकांना कृत्रिम पाणीटंचाईला सामोरे जावे लागत असल्याने यावर त्वरित कार्यवाही करण्याची मागणी भाजपा पदाधिकारी अश्विन मोगरकर यांनी मुख्याधिकारी यांच्याकडे केली आहे.