पोलिस निरीक्षक धनंजय ढोणे व टीम सन्मानित....!

 अल्पवयीन मुलीच्या अत्याचार प्रकरणाच्या जलद तपासाबद्दल संभाजीनगर पोलिसांचा गौरव

 

परळी (प्रतिनिधी)

 परळी रेल्वे स्थानकात दि.३१ ऑगस्ट रोजी पंढरपूर येथून रेल्वेने आलेल्या व रेल्वे स्थानकावर थांबलेल्या एका मजूर कुटुंबातील चिमुकलीवर घडलेल्या अत्याचार घटनेचा अवघ्या पाच तासात तपास लावुन आरोपी अटक केल्याच्या कामगिरीबद्दल संभाजीनगर पोलिस ठाण्याचे पो.नि.धनंजय ढोणे व कर्मचार्यांचा पोलिस अधीक्षक नवनीत कॉवत यांनी प्रशस्तीपत्र देऊन गौरव केला.

 परळी रेल्वे स्थानकात दि.३१ ऑगस्ट रोजी दुपारी अल्पवयीन मुलीवर अत्याचार करुन फरार झालेल्या आरोपीची ओळख,त्याला ताब्यात घेणे,गुन्हा दाखल करणे असा तपास करण्याचे संभाजीनगर पोलिस ठाण्याचे पो.नि.धनंजय ढोणे यांच्यापुढे आव्हान होते.ढोणे यांनी यासाठी सीसीटीव्हीची मदत घेत आरोपीचे फुटेज मिळवून ओळख पटवली.त्याला ताब्यात घेण्यासाठी वेगवेगळी पथके नेमुन ताब्यात घेत गुन्हा दाखल केला व अवघ्या पाच तसात या घटनेचा तपास लावला.संभाजीनगर पोलिसांच्या या कामगिरीचे जिल्हा पोलिस अधीक्षक नवनीत कॉवत यांनी प्रशस्तीपत्र देऊन गौरव केला. यावेळी पो.नि.धनंजय ढोणे, पो.उपनिरीक्षक अनिल शिंदे, सहाय्यक.पो.नि नरहरी नागरगोजे, पो.अंमलदार भगवान चव्हाण यांची उपस्थिती होती.