दुःखद वार्ता :भावपूर्ण श्रद्धांजली....!!!!

पिग्मी एजंट बसवंतआप्पा गौरशेटे यांचे निधन  

परळी वैजनाथ / प्रतिनिधी 

  येथील वैद्यनाथ अर्बन को-ऑपरेटिव्ह बँकेचे पिग्मी एजंट कैलासवाशी बसवंतआप्पा भीमाशंकरआप्पा गौरशेटे वय 73 वर्ष यांचे दुःखद निधन  शहरात हळहळ व्यक्त .

अत्यंत शांत, मनमिळाऊ, सर्वांना मदत करणारे पिग्मी एजंट म्हणून परिचित असलेले बसवंतआप्पा गौरशेटे यांचे दुःखद निधन झाले असून त्यांच्या पार्थिवावर  गुरुवार रोजी सायंकाळी 6: ३० वाजता  येथील वीरशैव लिंगायत स्मशानभूमीत अत्यंत शोकाकुल वातावरणात अंत्यसंस्कार करण्यात आले.

यावेळी, राजकीय, सामाजिक क्षेत्रातील मान्यवर  डॉक्टर,वकील ,पत्रकार, व्यापारी, समाज बांधव तसेच मित्र परिवार मोठया संख्येने उपस्थित होते.

 परळी शहरातील सर्वपरिचित  व्यक्तीमत्व  वैद्यनाथ बँकेचे पिग्मी एजंट बसवंतआप्पा गौरशेटे यांची प्रकृती अचानक बिघडली  आसल्याने त्यांच्या वर उपचार करण्यासाठी लातूर येथील खासगी रुग्णालयात दाखल करण्यात आले होते. उपचार दरम्यान त्यांचा मृत्यू झाला

ते त्यांचा प्रेमळ स्वभाव, मैत्रीपणा आणि मनाला भिडणारी वागणूक देणारं एक पिग्मी एजंट म्हणून परिचित होते. शहर आणि तालुक्यातील सर्व समाज बांधव व राजकीय सामाजिक धार्मिक क्षेत्रातील मान्यवरांसोबत सलोख्याचे संबंध जोपासणारे म्हणून ओळखले जात होते. यांची अचानक आलेल्या हृदयविकाराच्या तीव्र झटक्याने प्राणज्योत मालवली. त्यांच्या पश्चात मोठा परिवार असुन गौरशेटे कुटुंबावर कोसळलेल्या दुःखात दैनिक मराठवाडा साथी परिवार सहभागी आहे. यावेळी उपस्थित मान्यवरांनी बसवंतआप्पा गौरशेटे यांच्या निधानाबद्दल शोक व्यक्त करत श्रद्धांजली अर्पण केली.