परळीत दैनिक न्याय टाइम्सचा वर्धापन दिन उत्साहात

प्रतिलिपी मराठीच्या वतीने प्रदीप कुलकर्णी यांच्या श्रावणी कादंबरीला प्रमाणपत्र

माजलगाव (प्रतिनिधी)- प्रतिलिपी या नामांकित डिजिटल साहित्य मंचाने आयोजित केलेल्या “प्रतिलिपि क्रिएटर्स लेखन चॅलेंज – सीझन 4” मध्ये सुप्रसिद्ध लेखक प्रदीप कुलकर्णी यांनी आपल्या लोकप्रिय कथामालिका ‘श्रावणी' चे यशस्वीरित्या ५० पेक्षा अधिक भाग पूर्ण करून उल्लेखनीय कामगिरी केली आहे.

     लेखनातील सातत्य, कल्पकता आणि वाचकांना खिळवून ठेवणारी शैली यामुळे ‘श्रावणी’ या कादंबरीला वाचकांचा मोठा प्रतिसाद लाभला. या उल्लेखनीय यशाची दखल घेत प्रतिलिपी मराठीच्या वतीने लेखक प्रदीप कुलकर्णी यांना ‘प्रतिलिपि क्रिएटर्स प्रोग्राम सीझन 4’ चे अधिकृत प्रमाणपत्र देऊन गौरविण्यात आले आहे.

    लेखन क्षेत्रात दीर्घकाळ कार्यरत असलेले प्रदीप कुलकर्णी हे सामाजिक जाणिवा, मानवी भावभावना आणि वास्तववादी कथानकासाठी ओळखले जातात. ‘श्रावणी’ या कादंबरीच्या माध्यमातून त्यांनी वाचकांशी भावनिक नातं निर्माण केलं असून, डिजिटल साहित्यविश्वात मराठी कथालेखनाचा दर्जा अधिक उंचावला आहे.

    या यशाबद्दल साहित्यप्रेमी, वाचकवर्ग आणि विविध स्तरांतून त्यांच्यावर अभिनंदनाचा वर्षाव होत असून, आगामी काळातही त्यांच्याकडून अधिक दर्जेदार साहित्यनिर्मितीची अपेक्षा व्यक्त केली जात आहे.