दुःखद वार्ता : भावपूर्ण श्रद्धांजली !!!!

 श्रीनिवास राऊत यांना पितृशोक ; बबनराव राऊत यांचे अपघाती निधन

परळी वैजनाथ (प्रतिनिधी) राष्ट्रवादी काँग्रेस शरद पवार पक्षाचे युवक नेते श्रीनिवास राऊत यांचे वडील बबनराव पिलोबा राऊत यांचे आज शुक्रवार दिनांक 12 डिसेंबर रोजी अपघाती निधन झाले. मृत्यूसमयी त्यांचे वय 53 वर्षे होते. उद्या शनिवारी सकाळी परळीत त्यांच्या पार्थिवावर अंत्यसंस्कार करण्यात येणार आहेत. 

    शुक्रवार दिनांक 12 डिसेंबर रोजी दुपारी सुमारे 3 वाजण्याचे सुमारास बबनराव राऊत हे एक लग्न आटोपून ऑटो रिक्षाने परळी वैजनाथकडे येत असताना निळा पाटीजवळ त्यांचा ऑटो अचानक पलटी झाला. यात बबनराव राऊत यांच्या छातीला जबर मार लागला. त्यांना प्रथम गंगाखेड येथील रुग्णालयात प्रथमोपचार करून परळी वैजनाथ उपजिल्हा रुग्णालयात दाखल करण्यात आले. तिथे डॉक्टरांनी त्यांना मयत घोषित केले. उपजिल्हा रुग्णालयात मोठी गर्दी झाली होती. कै. बबनराव राऊत यांच्या पश्चात   पत्नी, एक मुलगा, दोन मुली, दोन भाऊ, बहीण, सुना, नातवंडे असा भरगच्च परिवार आहे. 

आज परळीत अंत्यसंस्कार

     कै. बबनराव राऊत यांच्या पार्थिवावर उद्या शनिवारी दिनांक 13 डिसेंबर रोजी सकाळी 11 वाजता परळी वैजनाथ येथील स्मशानभूमीत अंत्यसंस्कार करण्यात येणार असल्याचे नातेवाईकांकडून सांगण्यात आले. राऊत परिवाराच्या दुःखात एमबी न्यूज परिवार सहभागी आहे.