दुःखद वार्ता: भावपूर्ण श्रद्धांजली!!!

 मधुकरराव विनायकराव तांबट यांचे अल्पशा आजाराने निधन

परळी वैजनाथ/प्रतिनिधी 

श्री कालिका देवी डिग्रस संस्थानचे कार्यकारी, कासार समाजाचे सेवक, सर्व परिचित व्यक्तिमत्व मधुकरराव विनायकराव तांबट यांचे आज रविवार दिनांक 25 जानेवारी रोजी पहाटे ३.१५ वाजता अल्पशा आजाराने दुःखद निधन झाले. 

श्री मधुकरराव विनायकराव तांबट राहणार हालगे गल्ली, जुनी हैदराबाद बँकेच्या बाजूला परळी वैजनाथ यांचे आज रविवारी निधन झाले. कै.सुधीर व श्री नितीन (पप्पू)  तांबट  यांचे ते वडील होते. मधुकरराव तांबट हे अत्यंत मनमिळावू व सुस्वभावी असल्याने सर्व परिचित होते. परळी शहरातील विविध धार्मिक व सामाजिक कार्यात ते नेहमी सहभागी असत. अत्यंत प्रेमळ व लहान थोरापासून सर्वांना प्रेमाने बोलणारे मधुकरराव तांबट यांच्या निधनाने सर्वत्र हळहळ व्यक्त करण्यात येत आहे. दरम्यान त्यांच्या पार्थिवावर आज सायंकाळी शोकाकुल वातावरणात अंत्यसंस्कार करण्यात आले. त्यांच्या पश्चात एक भाऊ, चार बहिणी, एक मुलगा, दोन मुली, सुना, नातवंडे, पतवंडे असा परिवार आहे.  या दुःखद घटनेमुळे तांबट परिवारावर दुःखाचा डोंगर कोसळला असून, त्यांच्या दुःखात दैनिक एमबी न्यूज परिवार सहभागी आहे.