मुख्यमंत्री देवेंद्र फडणवीस देखील राहणार उपस्थित

 ना.पंकजा मुंडे शनिवारी गहिनीनाथ गडावर ; संत वामनभाऊ महाराजांच्या सुवर्ण महोत्सवी पुण्यतिथी सोहळ्यास राहणार उपस्थित

बीड। दिनांक ०८ ।

राज्याच्या पर्यावरण व पशुसंवर्धन मंत्री ना. पंकजाताई मुंडे उद्या (ता. १०) शनिवारी गहिनीनाथ गडावर येणार आहेत. थोर संत वामनभाऊ महाराज यांच्या सुवर्ण महोत्सवी पुण्यतिथी सोहळ्यास त्या उपस्थित राहणार आहेत. 

  वारकरी संप्रदायातील थोर संत वै. वामनभाऊ महाराज यांचा पुण्यतिथी सोहळा १० जानेवारीला गहिनीनाथ गडावर संपन्न होत आहे. यंदाचे हे सुवर्णमहोत्सवी वर्ष आहे, यानिमित्त विविध कार्यक्रमाचे आयोजन करण्यात आले आहे. मुख्यमंत्री देवेंद्र फडणवीस देखील यावेळी उपस्थित राहणार आहेत.  पुण्यतिथीला गडावर येण्याची लोकनेते गोपीनाथराव मुंडे साहेबांची परंपरा पंकजाताई मुंडे यांनी देखील पुढे जोपासली असून दरवर्षी त्या  दर्शनासाठी गडावर येतात.  एक भक्त म्हणून गडावर विविध विकास कामासाठी त्यांनी शासनाच्या माध्यमातून मोठा निधी दिला होता. शनिवारी सकाळी 11 वाजता  पंकजाताई मुंडे यांचे गडावर आगमन होणार असून दर्शन व किर्तनाच्या कार्यक्रमास त्या उपस्थित राहणार असल्याचे त्यांच्या संपर्क कार्यालयातून सांगण्यात आले.

••••