परळीतील बाजारपेठ आधीपासूनच मोठी; ती समृद्ध करण्यासाठी आम्ही खंबीरपणे पाठीशी - ना. पंकजा मुंडे
तापडीया कुटुंबीयांच्या धाडसाचे कौतुक ; परळीच्या वैभवात टाकली भर - आ. धनंजय मुंडे
परळी वैजनाथ (प्रतिनिधी)- मोठमोठ्या महानगरांसारखे साड्यांचे भव्य दालन तापडिया कुटुंबाने परळीत उभे करून आपल्या परळीच्या व्यापारपेठेची शोभा वाढवली आहे. परळीची बाजारपेठ ही जुन्या काळापासून मोठी बाजारपेठ म्हणून ओळखली जाते. ही बाजारपेठ अधिकाधिक समृद्ध करण्यासाठी आम्ही व्यावसायिकांच्या व व्यापाऱ्यांच्या पाठीशी खंबीरपणे उभे राहू अशी ग्वाही राज्याच्या पर्यावरण व पशुसंवर्धन मंत्री ना. पंकजाताई मुंडे यांनी दिली. तर एवढ्या मोठ्या व्यवसायाचे शॉपिंग मॉल परळीमध्ये सुरु करून व्यवसायिकांच्या दृष्टीने तापडिया कुटुंबाने खूप मोठे धाडस केलेले आहे. एक परळीकर म्हणून आपल्याला याचा निश्चितच आनंद व अभिमान आहे. हा व्यवसाय परळीच्या वैभवात नक्की भर घालणारा असल्याचे माजी मंत्री आ .धनंजय मुंडे यांनी सांगितले.
अगदी मुंबईचा मॉडर्न ट्रेंड असो वा चेन्नईचे ऑथेंटिक सिल्क.. पुणे - हैद्राबाद येथील शाही थाट परळी वैजनाथ शहरात अनुभवायला मिळणार आहे. पुणे - मुंबईच्या झगमगटाला लाजवणारे 'कल्पना साडी फॅमिली शॉपींग मॉल परळीकरांच्या सेवेत आज दाखल झाले. या भव्य दिव्य दालनाचा महाशुभारंभ राज्याच्या पर्यावरण, हवामान बदल व पशुसंवर्धन मंत्री ना. पंकजाताई मुंडे, आ. धनंजय मुंडे यांच्या हस्ते झाला. यावेळी परळीच्या नगराध्यक्ष सौ. पद्मश्रीताई बाजीराव धर्माधिकारी, लातूर येथील एडवोकेट मेहुल राठोड यांची प्रमुख उपस्थिती होती. यावेळी विविध क्षेत्रातील मान्यवर कार्यक्रमाला उपस्थित होते. सर्वप्रथम ओमप्रकाश मदनलाल तापडीया, अमर ओमप्रकाश तापडीया, अजय ओमप्रकाश तापडीया आणि कल्पना परिवाराच्या वतीने मान्यवरांचे आत्मीय स्वागत करण्यात आले..गेल्या 38 वर्षापासून कल्पना साडी आणि मॅचिंग सेंटरच्या माध्यमातून परळीकरांशी तापडीया परिवाराने नाते निर्माण केलेले आहे. याची प्रचिती ही या कार्यक्रमात दिसून आली. परळी शहर व परिसरातील विविध क्षेत्रातील प्रतिष्ठित नागरिक, मान्यवर, ग्राहक आवर्जून आत्मेतेने या कार्यक्रमाला उपस्थित होते.
कल्पना साडी फॅमिली शॉपींग मॉलमध्ये आता साड्यांसोबत एकाच छताखाली फॅशनचे संपूर्ण विश्व,रेडीमेड, शूटिंग-शर्टिंग, ड्रेस मटेरिअल्स, हँडलूम, मॅचिंग, किड्स वेअर, फॅशन अॅक्सेसरीज आणि मुंबईचा मॉडर्न ट्रेंड असो वा चेत्रईचे ऑथेंटिक सिल्क, पुणे-हैद्राबादचा शाही थाट या मॉलमध्ये निर्माण करण्यात आला आहे परळीच्या व्यापारपेटे वैभव निर्माण करणारे नवीन व्यावसायिक झाल्याने साखळी या निमित्ताने घरी राहिली आहे. या कार्यक्रमास मोठ्या संख्येने नागरिक उपस्थित होते.
टिप्पण्या
टिप्पणी पोस्ट करा