मुख्याधिकारी यांना लिहिले सविस्तर उत्तर......

 हनुमान व्यायाम शाळेत भव्य सूर्यनमस्कार स्पर्धेचे आयोजन

विद्यार्थी व नागरीकांनी सहभागी व्हावे; दत्ताप्पा ईटके गुरुजी

 

परळी वैजनाथ

जागतिक सूर्यनमस्कार दिनाचे औचित्य साधून रविवारी आयोजित करण्यात आलेल्या भव्य सूर्यनमस्कार स्पर्धेत शहर व तालुक्यातील विद्यार्थी व नागरिकांनी सहभागी होण्याचे आवाहन हनुमान व्यायाम शाळेचे जेष्ठ संचालक दत्ताप्पा ईटके गुरुजी यांनी प्रसिद्धीपत्रकाद्वारे केले आहे. 

25 जानेवारी हा दिवस जगभरात सूर्यनमस्कार दिन म्हणून साजरा केला जातो. सूर्यनमस्कार म्हणजे परिपूर्ण व्यायाम असल्याने विद्यार्थ्यांना व सर्वसामान्यांना सुध्दा या व्यायाम प्रकारामुळे आपले आरोग्य सुदृढ व निरोगी ठेवण्यास मदत होते. हनुमान व्यायाम शाळेतर्फे दर वर्षी जागतिक सूर्यनमस्कार दिन साजरा केला जातो. याही वर्षी हनुमान व्यायाम शाळेत विनामूल्य होणाऱ्या या स्पर्धेत इयत्ता दहावी च्या आतील विद्यार्थ्यांसाठी गट व सर्वसामान्य गट अश्या दोन प्रकारात होणाऱ्या स्पर्धा रविवार दिनांक 25 जानेवारी, सायंकाळी 6.00 वाजता सुरू होणार आहेत.

सुदृढ व निरोगी शरीर राखण्यासाठी सूर्यनमस्कार आवश्यक असून या स्पर्धेद्वारे विद्यार्थ्यांना प्रेरणा मिळणार असून या स्पर्धेत बहुसंख्य विद्यार्थी व नागरिकांनी सहभागी होण्याचे आवाहन हनुमान व्यायाम शाळेचे जेष्ठ संचालक दत्ताप्पा ईटके गुरुजी यांनी केले आहे.