प्रदूषण नियंत्रणासाठीचा स्वतंत्र आराखडा पायलट प्रोजेक्ट म्हणून राबविणार

 ना.पंकजाताई मुंडे यांच्या संकल्पनेतील महापशुधन एक्स्पोत शेतकरी व पशुपालकांनी सहभाग नोंदवावा-उमाताई समशेट्टे

 

परळी (प्रतिनिधी)  

         परळी वैजनाथ येथे आयोजित करण्यात येत असलेल्या 'महापशुधन एक्स्पो-२०२६' या अखिल भारतीय पशुपक्षी प्रदर्शनाचे आयोजन करण्यात आले आहे. ना.पंकजाताई मुंडे यांच्या संकल्पनेतून होणाऱ्या देशपातळीवरील महापशुधन एक्स्पो-2026 या भव्य या प्रदर्शनाच्या माध्यमातून राज्यातील आणि देशातील पशुपालकांना आधुनिक तंत्रज्ञानाची जोड मिळावी म्हणून आयोजित करण्यात आले आहे. ना.पंकजाताई मुंडे यांच्या संकल्पनेतून होणाऱ्या परळी वैद्यनाथ येथील देशपातळीवरील महापशुधन एक्स्पो-2026 या भव्य प्रदर्शनाचा शेतकरी व पशुपालकांनी मोठ्या संखेने सहभाग घ्यावा असे आवाहन भाजपच्या शहराध्यक्षा सौ.उमाताई समशेट्टे यांनी केले आहे.

           परळी शहरातील तहसिल समोरील मैदानावर  दि.13 फेब्रुवारी ते 15 फेब्रुवारी दरम्यान राष्ट्रीय पशुप्रदर्शन संपन्न होत असून परळी हे पशुप्रदर्शन ३२ एकरांच्या भव्य परिसरात होणार आहे. शेतकऱ्यांना व बेरोजगारांना दूध,मांस,अंडी उत्पादनाची नवीन माहिती मिळावी आणि त्यातून त्यांच्या हाताला काम मिळून त्यांचा आर्थिक विकास ग्रामीण अर्थव्यवस्था बळकट करण्यासंदर्भात मार्गदर्शित ठरणार आहे.या पशुपक्षी प्रदर्शनाचे उद्‌घाटन शुक्रवार दि. १३ फेब्रुवारी रोजी ना. पंकजाताई मुंडे यांच्या हस्ते तर बक्षीस वितरण रविवार दि. १५ फेब्रुवारी रोजी मुख्यमंत्री देवेंद्र फडणवीस यांच्या हस्ते होणार आहे.परळीच्या इतिहासात प्रथमच देश पातळीवरील पशुधन महा एक्सपो आयोजित करण्यात आला आहे.या भव्य प्रदर्शनाचा शेतकरी व पशुपालकांनी मोठ्या संखेने सहभाग घ्यावा असे आवाहन भाजपच्या शहराध्यक्षा  सौ.उमाताई चंद्रकांत समशेट्टे यांनी केले.