BREAKING NEWS: राडा ;एक ठार

 परळी येथे छत्रपती राजर्षी शाहु महाराज जयंती मोठ्या उत्साहात साजरी

शाहु महाराजांनी समता आणि बंधुता याची पेरणी केली-सौ.पद्मश्री धर्माधिकारी

परळी वै.  -

छत्रपती राजर्षी शाहु महाराज जयंती महिला महाविद्यालयाच्या सभागृहीमध्ये मोठ्या उत्साहामध्ये साजरी करण्यात आली. 

समता आणि बंधूता यावर वक्त्यांनी आपला भर दिला. राजर्षी शाहु महाराज यांनी प्रतिकूल परिस्थितीमध्ये लोकांचा रोष पत्करून आपल्या राज्यामध्ये आरक्षण अंमलात आणले. प्रत्यक्षामध्ये स्वतः सर्व क्षेत्रामध्ये पुढाकार घेवून जातीजातीतील भेदभाव नष्ट करण्याचा प्रयत्न केला. आरक्षणाचे जनक म्हणुन त्यांची ओळख आहे. आजही सर्वांना त्यांची आठवण कायम राहते. विशेष म्हणजे यावेळी सर्व पाहुण्यांचा सत्कार हारांनी न करता झाडांची रोपटे देवून केला. 

या कार्यक्रमाचे उद्घाटन उद्घाटक परळी नगर परिषदेच्या नगराध्यक्षा सौ.पद्मश्री बाजीराव धर्माधिकारी यांनी केले कार्यक्रमाच्या अध्यक्षस्थानी परळी न.प. चे बांधकाम सभापती पवन मुंडे हे होते प्रमुख पाहुणे म्हणुन वंचित आघाडीचे महासचिव मिलिंद घाडगे, नगरसेवक अनंत इंगळे हे होते. कार्यक्रमाचे प्रास्ताविक जयंती उत्सव समितीचे अध्यक्ष विलासराव ताटे यांनी केले, कार्यक्रमाचे सुत्रसंचलन सुनिल फुलारी यांनी केले तर आभार प्रदर्शन साहेबराव रोडे यांनी केले. हा कार्यक्रम यशस्वी करण्यासाठी नागनाथ कल्याणकर, विकास पवार, हरिप्रसाद मोदाणी, रमाकांतअप्पा निर्मळे, राजेंद्र रणदिवे, ज्ञानेश्वर गित्ते, राजु जगताप, वसंतराव बनसोडे, बालासाहेब पोरे, भिमराव रिकीबे, नारायण मानकर, यशवंत अभंग, अनिकेत भातांगळे, महेश राडकर इत्यादींनी प्रयत्न केले.