MB NEWS-बालरोग तज्ञ डॉ.देशपांडे 18 वर्षाखालील गृह विलगीकरणात असलेल्या रुग्णांना देणार मोफत कोविड विषयक सल्ला*

 *बालरोग तज्ञ डॉ.देशपांडे 18 वर्षाखालील गृह विलगीकरणात असलेल्या रुग्णांना देणार मोफत कोविड विषयक सल्ला*

परळी वैजनाथ(प्रतिनिधी) - शहरात गेल्या काही दिवसांपासून कोरोना विषाणूचा प्रादुर्भाव दिवसेंदिवस वाढत चालला आहे. याच्या पार्श्वभूमीवर शहरातील प्रसिद्ध बालरोगतज्ज्ञ डॉ. गुरुप्रसाद देशपांडे यांनी गृह 18 वर्षांखालील विलगिकरणात असलेल्या रुग्णांना कोविड विषयक सल्ला व टेली उपचार मोफत देणार आहेत.नुकताच नवजीवन हॉस्पिटल चा 17 वा वर्धापन दिन संपन्न झाला त्याचे अवचित्त साधत या अभिनव उपक्रमाला सुरुवात करण्यात आली आहे.

यासाठी 9822484202 या क्र. संपर्क करण्याचे आवाहन करण्यात आले आहे.सध्या लहान मुलांना कोरोनाचा संसर्ग झाल्याचे दिसून येत आहे. या लहानमुलांमध्ये लक्षणे दिसून येत नसले तरी संसर्ग झाल्याचे निदर्शनास आले आहे. या मुलांची संख्या ही लक्षणीय आहे. या पार्श्वभूमीवर सामाजिक बांधिलकी जोपासत 18 वर्षा खालील कोविड पाँझिटीव्ह गृह विलगिकरणात असलेल्या पेशंटना मोफत उपचार व्हाँटसापवर सल्ला सुरू करण्यात आला आहे. या सेवेबद्दल व सध्याच्या भयानक संकटात हा पुढाकार घेतल्याबद्दल कोविड रुग्णांच्या नातेवाईक व नागरिकांनी डॉ गुरुप्रसाद देशपांडे यांचे आभार मानले आहेत.