MB NEWS-आजचा कोविड अहवाल परळी शहरासाठी दिलासादायक पण जबाबदारी वाढवणारा; ग्रामीण भागात ०६ पाॅझिटिव्ह
आजचा कोविड अहवाल परळी शहरासाठी दिलासादायक पण जबाबदारी वाढवणारा; ग्रामीण भागात ०६ पाॅझिटिव्ह
परळी वैजनाथ, प्रतिनिधी....
गेल्या अनेक दिवसापासून आरोग्य प्रशासनाच्या वतीने कोविड -१९ रुग्णांच्या बाबतीत दैनंदिन अहवाल जाहीर करण्यात येतो. गेल्या अनेक दिवसात पहिल्यांदाच बीड जिल्ह्याच्या दैनंदिन covid-19 अहवालात परळी तालुक्यातील संख्या कमी झाली आहे. या अहवालात परळी तालुक्याची संख्या ०६ आहे मात्र परळी शहरातील आकडा निरंक आला आहे. दरम्यान शहरवासीयांना हा दिलासा असला तरी परळी शहर दररोजच्या आहवालात निरंक राहण्याची जबाबदारी वाढली आहे.
आजच्या कोविड- 19 दैनंदिन अहवालात जिल्ह्यात पाॅझिटिव्ह रुग्णसंख्या ओसरत असतानाच परळी तालुक्याची संख्या हळूहळू झिरो पाॅझिटिव्हकडे जाताना दिसत आहे.आज बीड जिल्ह्यात ५१६ पाॅझिटिव्ह रुग्णसंख्या आढळून आलेली आहे. यामध्ये परळी तालुक्याची संख्या ०६ आहे. यात वर्गवारी केली तर शहरात संख्या निरंक आहे. जिल्ह्याची आकडेवारी दिवसेंदिवस कमी होताना दिसत आहे. असं असलं तरी कोरोना संसर्गाची साखळी मात्र संपुर्णतः तुटलेली दिसून येत नाही. झिरो कोरोणा करण्याच्या दृष्टीने नागरिकांनी सतर्कता बाळगण्याची नितांत आवश्यकता असून कोविड विषयक नियमांचे पालन करावे व सोशल डिस्टंसिंग, मास्कचा वापर, आदी मूलभूत काळजी घेण्याचे आवाहन करण्यात येत आहे.
दरम्यान शासकीय प्रसिद्ध आजच्या अहवालात मुद्रणदोष झालेला असुन परळीची संख्या ०६ असताना चुकुन ६४ आकडा पडलेला आहे याची नोंद नागरिकांनी घ्यावी.तसेच कोविडविषयक नियमांचे काटेकोरपणे पालन करून सहकार्य करावे असे आवाहन करण्यात आले आहे.
टिप्पण्या
टिप्पणी पोस्ट करा