MB NEWS-गावागावात वीज तोडणी मुळे शेतकरी त्रस्त

गावागावात वीज तोडणी मुळे शेतकरी त्रस्त !

चार महिन्यातच पुन्हा वसुलीच्या नावाखाली वीज पुरवठा खंडित

सार्वजनिक पाणीपुरवठा बंद व मुक्या प्राण्यांचीही पाण्यावाचून तडफड

परळी वैजनाथ प्रतिनिधी दि.१२

परळी तालुक्यातील गावोगावी विज बिल वसुलीच्या नावाखाली मागील तीन-चार दिवसांपासून वीजपुरवठा खंडित करण्यात आला आहे यामुळे शेतकऱ्यांमध्ये नाराजी व्यक्त केली जात आहे.

यापूर्वी दिवाळी सणा दरम्यान दिवाळी पिकांचा जोर कायम असतानाच परळी वीज वितरण कंपनीने वीज बिल वसुली साठी शक्ती करत वीज कनेक्शन तोडले होते पिकांचे नुकसान होऊ नये म्हणून शेतकऱ्यांनी महावितरणला सहकार्य करत वीज बिल भरणा केला होता त्यानंतर तिन चार महिन्यातच पुन्हा वीज वितरण कंपनीने मनमानी करत तालुक्यातील गावा गावातील शेतीचा वीज पुरवठा खंडित केला आहे.

परळी येथील वीज वितरण कंपनीचे अधिकारी शेतकऱ्यांसोबत सुलतानी वागणूक देत असून सक्तीची वसुली नावाखाली संपूर्ण वीज पुरवठा खंडित करून सार्वजनिक पाणीपुरवठा पूर्तता किंवा गोरे जनावरे यांना पाणी मिळावे यासाठी अर्धा तासही वीस सोडत नाहीत या कारभाराच्या विरोधात संपूर्ण तालुक्यातील शेतकरी वैतागला आहे व जनावरांना पाण्यासाठी व सार्वजनिक पाणीपुरवठा यासाठी किमान अर्धा तास वीजपुरवठा द्यावा अशी मागणी शेतकरी करत आहे.