MB NEWS:जीविताची सुरक्षितता: ‘व्हॉइस ऑफ मीडिया’कडून परळीतील पत्रकारांना अडिच कोटींचे विमा संरक्षण

 जीविताची सुरक्षितता: ‘व्हॉइस ऑफ मीडिया’कडून परळीतील पत्रकारांना अडिच कोटींचे विमा संरक्षण

परळी वैजनाथ (प्रतिनिधी) 21 - पत्रकारिता आणि पत्रकारांसाठी काम करणाऱ्या ‘व्हॉइस ऑफ मीडिया’ या संघटनेच्या वतीने पत्रकार व पत्रकार कुटुंब यांच्यासाठी विविध कल्याणकारी उपक्रम राबविण्यात येत आहेत. या  अनुषंगाने पत्रकारांच्या जीविताची सुरक्षितता व्हावी यादृष्टीने ‘व्हॉइस ऑफ मीडिया’कडून परळीतील पत्रकारांना अडिच कोटींचे विमा संरक्षण देण्यात आले आहे.संघटनेचे संस्थापक-अध्यक्ष संदीप काळे यांच्या संकल्पनेतून उभ्या राहिलेल्या या संघटनेच्या पत्रकार बांधवांच्या हितासाठी कृतिशील कार्यक्रम राबविण्यात येत आहेत.

 

संघटनेचे राज्य उपाध्यक्ष संजय मालाणी,राज्य कार्यवाहक तथा जिल्हाध्यक्ष बालाजी मारगुडे, मराठवाडा कार्याध्यक्ष जालिंधर धांडे,मराठवाडा उपाध्यक्ष शुभम खाडे,मराठवाडा संघटक आनंद डोंगरे,जिल्हा कार्याध्यक्ष दिनेश लिंबेकर यांच्या मार्गदर्शनाखाली परळीतील पत्रकारांचा विमा उतरवण्यात आला आहे. परळी शहर व तालुक्यात विविध प्रसारमाध्यमात काम करणाऱ्या  पत्रकारास दहा लाख रूपये विमा संरक्षण यामाध्यमातून मिळणार आहे.दरम्यान परळीतल्या पत्रकारांना यातून तब्बल अडिच कोटींचे विमा संरक्षण यामाध्यमातून मिळणार आहे.

दरम्यान विमा प्रक्रियेसाठी परळी पोस्ट ऑफिसचे अधिकारी महेश चौंडे,कर्मचारी गजानन मोरे,नितीन संगेकर यांची उपस्थिती होती.तर हा उपक्रम यशस्वी करण्यासाठी तालुकाध्यक्ष स्वानंद पाटील, कार्याध्यक्ष महादेव गित्ते,उपाध्यक्ष श्रीराम लांडगे, सरचिटणीस अशोक गलांडे,सहसरचिटणीस -अनिल देशमुख,कोषाध्यक्ष- महादेव शिंदे, कार्यवाहक - संतोष जुजगर,प्रसिद्धी प्रमुख - बालाजी ढगे यांनी परिश्रम घेतले.या उपक्रमात परळी तालुक्यातील पत्रकारांचा विमा उतरविण्यात आला.

Click:● *खळबळजनक: अतिकचे लावले पोस्टर:शहीदाचा दिला दर्जा;धार्मिक तेढ निर्माण करण्याचा प्रयत्न*

Video 

Advertise