MB NEWS :दर्जा बातमीचा..आवाज जनसामान्यांचा.मागोवा बातमी मागच्या बातमीचा !

   'नॅक' पुनर्मूल्यांकनासाठी महिला महाविद्यालय सज्ज

परळी वैजनाथ दि.२१  (प्रतिनिधी )

     येथील लक्ष्मीबाई देशमुख महिला महाविद्यालयास पुनर्मूल्यांकनासाठी ' नॅक' तज्ज्ञांची समिती आज महाविद्यालयास भेट देणार आहे.     

     या भेटीत त्यांच्याद्वारा महाविद्यालयातील विविध विभागांची तपासणी केली जाते. त्यात महाविद्यालयाने राबविलेले विविध उपक्रम , समाजोपयोगी घेतलेली भूमिका ,विद्यार्थ्यांच्या सर्वांगीण विकासासाठी केलेले कार्य ,कार्यालयीन कामकाज  अशा विविध पातळीवरचे मूल्यांकन करून 'नॅक ' समितीतर्फे ग्रेड देण्यात येत असतो. दि. २२ व २३ ऑक्टोबर रोजी होणाऱ्या ' नॅक ' पुनर्मूल्यांकनासाठी महाविद्यालयाने सर्वतोपरी तयारी केली असल्याचे व नॅक मूल्यांकनासाठी  महाविद्यालय सज्ज असल्याचे महाविद्यालयाच्या प्राचार्या ,डॉ. विद्या देशपांडे यांनी माध्यमांस सांगितले आहे. या पूर्वी दोन वेळा या महाविद्यालयाने ही मूल्यांकन प्रक्रिया यशस्वीरीत्या पूर्ण करून बी हा दर्जा प्राप्त केला आहे . आता तिसऱ्या मुल्यांकनासाठी महाविद्यालय सज्ज झाले आहे .