शासनाची सुधारीत डोंगरी क्षेत्र समावेश गावांची यादी...

परळी वैजनाथ तालुक्यातील १४ गावांचा डोंगरी क्षेत्रात समावेश

परळी वैजनाथ, एमबी न्यूज वृत्तसेवा...

       डोंगरी विभाग विकास कार्यक्रमातंर्गत सुधारीत निकष व निकषांनुसार निश्चित केलेल्या डोंगरी क्षेत्राच्या यादीत परळी तालुक्यातील १४ गावांचा समावेश  करण्यात आला आहे. सुधारीत निकष व निकषांनुसार निश्चित केलेल्या डोंगरी क्षेत्राच्या राज्यातील समावेश करण्यात आलेल्या गावांची यादी व शासन निर्णय नियोजन विभागाकडून निर्गमित करण्यात आला आहे.

      महाराष्ट्र शासन, नियोजन विभाग शासन निर्णय क्र. डोंविका- २०२१/ प्र.क्र.५८/का.१४८१-अ मंत्रालय, मुंबई ४०० ०३२. दिनांक: १७ जुलै, २०२५ प्रमाणे शासन निर्णय  निर्गमित करण्यात आला आहे.डोंगरी विभाग विकास कार्यक्रमांतर्गत उपगट डोंगरी तालुक्यातील गावांच्या नावात सुधारणा करणे, नामसाधर्म्यामुळे द्विरुक्ती झालेली गावांची नावे वगळणे, डोंगरी विभाग विकास कार्यक्रमांतील यापूर्वीच्या गावांच्या नावांची छाननी इ.मध्ये सुधारणा  करण्याची बाब शासनाच्या विचाराधीन होती. त्यासंदर्भात शासनाने निर्णय घेतला आहे. यानुसार डोंगरी विभाग विकास कार्यक्रमा तंर्गत १०१ डोंगरी उपगट तालुके व त्यातील गावांची सर्वसमावेशक एकत्रित यादी सुधारित करण्यात आली आहे.

         या सुधारीत निकष व निकषांनुसार निश्चित केलेल्या डोंगरी क्षेत्राच्या यादीत परळी तालुक्यातील १४ गावांचा समावेश  करण्यात आला आहे. यामध्ये१) सरफराजपुर, २) गर्देवाडी, ३) करेवाडी, ४) मोहा, ५) बोधेगांव, ६) सोनहिवरा, ७) आस्वलंबा, ८) वानटाकळी, ९) दौनापुर, १०) डाबी, ११) इंदपवाडी, १२) कन्हेरवाडी, १३) भोपला, १४) देव्हाडा या गावांचा समावेश आहे.

      डोंगरी विकास कार्यक्रमा अंतर्गत येणाऱ्या गावांना विविध शासकीय लाभ व योजनांचा फायदा दिला जातो, जेणेकरून त्या भागाचा सर्वांगीण विकास होऊ शकेल. या विकास कार्यक्रमातंर्गत विशेष योजनांची अंमलबजावणी होत असते. डोंगरी विकास कार्यक्रमांतर्गत येणाऱ्या गावांमधील विद्यार्थ्यांसाठी सरकारकडून काही विशेष शैक्षणिक लाभ दिले जातात. त्यामुळे परळी तालुक्यातील डोंगरी क्षेत्रातील समावेशीत गावांना शासकीय निधी,योजना आदींचा आता लाभ मिळणार आहे.