दुर्देवी घटना.....

अंत्यविधी दरम्यान पिकअप गर्दीत घुसला; एक ठार: दहा जण जखमी 

बीड जवळच्या पाली गावात घडलेली घटना

 बीड , एमबी न्यूज वृत्तसेवा: बीड जवळील पाली येथील स्मशानभूमीमध्ये अंत्यविधी सुरू असतानाच भरधाव वेगाने येणारा पिकअप अंत्यविधी कार्यक्रमात घुसल्याने संभाजी जाधव यांचा जागीच मृत्यू झाला तर एक जण गंभीर असून सात ते आठ जण जखमी झाले आहे. यातील जखमींवर सध्या शासकीय रुग्णालयासह इतर खाजगी रुग्णाला उपचार सुरू आहेत. ही घटना बुधवारी रात्री सात वाजण्याच्या सुमारास घडली.

पाली परिसरातील स्मशान भूमीत स्वर्गीय आसराबाई किसनराव नवले यांचा अंत्यविधी सुरू होता. याच दरम्यान भरधाव वेगाने येणारा पिकअपवरील चालकाचे नियंत्रण सुटल्यामुळे पिकअप अंत्यविधी मध्ये घुसला यात संभाजी विठ्ठलराव जाधव हे मयत झाले आणि इतर आठ ते दहा जण अपघातात जखमी आहेत. दरम्यान जखमीची संख्या वाढणार असल्याचे समजताच जिल्हा रुग्णालयातील सर्वच वैद्यकीय अधिकाऱ्यांना तत्काळ अलर्ट करण्यात आले होते.