नगराध्यक्षा सौ. पद्मश्रीताई बाजीराव धर्माधिकारी यांची विविध शिवजयंती कार्यक्रमांना उपस्थिती....

हिंदवी स्वराज्याचे संस्थापक छत्रपती शिवाजी महाराज जयंती परळीत उत्साहात साजरी

नगराध्यक्षा सौ. पद्मश्रीताई बाजीराव धर्माधिकारी यांची विविध शिवजयंती कार्यक्रमांना उपस्थिती

 छत्रपती शिवरायांच्या आदर्श विचारांच्या वाटचालीतूनच जीवनाचे कल्याण –सौ.पद्मश्रीताई धर्माधिकारी

परळी वैजनाथ ,प्रतिनिधी.....

        हिंदवी स्वराज्याचे संस्थापक छत्रपती शिवाजी महाराज यांची जयंती परळी शहरात अतिशय उत्साहाने साजरी करण्यात आली. परळी शहरातील विविध शिवजयंती उत्सव समितीच्या वतीने आयोजित कार्यक्रमांना नगराध्यक्षा सौ. पद्मश्रीताई बाजीराव धर्माधिकारी यांनी उपस्थिती लावत छत्रपती शिवरायांना  वंदन केले. छत्रपती शिवरायांच्या आदर्श विचारांच्या वाटचालीतूनच जीवनाचे कल्याण असल्याची भावना ठिकठिकाणी मनोगत व्यक्त करताना त्यांनी व्यक्त केली.

      हिंदवी स्वराज्याचे संस्थापक छत्रपती शिवाजी महाराज यांच्या जयंतीनिमित्त आज परळी शहरातील छत्रपती शिवाजी महाराज यांच्या पूर्णाकृती पुतळ्याला सजावट करण्यात आली होती. या ठिकाणी आयोजित ध्वजारोहण व अभिवादन कार्यक्रमास नगराध्यक्षा सौ. पद्मश्रीताई बाजीराव धर्माधिकारी यांनी उपस्थित रहात छत्रपती शिवरायांना वंदन केले. त्याचप्रमाणे शहरातील सुभाष चौक शिवजयंती उत्सव समिती, चाळीस फुटी रोड शिवजयंती उत्सव समिती, अयोध्या नगर शिवजयंती उत्सव समिती, आनंदनगर पद्मावती विभाग शिवजयंती उत्सव समिती आदी विविध कार्यक्रमांना उपस्थित रहात छत्रपती शिवरायांना वंदन केले. याप्रसंगी बोलताना नगराध्यक्षा सौ. पद्मश्रीताई  बाजीराव धर्माधिकारी यांनी छत्रपती शिवरायांच्या शौर्याचा, कीर्तीचा आणि पराक्रमाचा संदर्भ देत शिवरायांचे चरित्र प्रत्येकासाठी अनुकरणीय आणि जीवनाचे कल्याण करून घेण्याचे एकमेव साधन असल्याचे सांगितले. छत्रपती शिवरायांच्या इतिहासातूनच आणि त्यांच्या दिव्य विचारातूनच आपल्या जीवनाचे निश्चितपणाने कल्याण झाल्याशिवाय राहणार नाही. त्यामुळे छत्रपती शिवरायांच्या विचारावर निष्ठा आणि श्रद्धा ठेवून आपण वाटचाल करण्याचा निश्चय केला पाहिजे असे आवाहन त्यांनी यावेळी केले. परळी वैजनाथ शहरातील विविध ठिकाणी झालेल्या कार्यक्रमांना नगरसेवक, पदाधिकारी, त्या त्या भागातील मान्यवर, प्रतिष्ठित नागरिक, महिला मोठ्या संख्येने उपस्थित होते.