माझी बातमी MB NEWS

  "तुझ्या मुलीला माझ्या स्वाधीन कर" म्हणत गोळीबार; तीन ते चार गोळ्या झाडल्या, ८५ वर्षीय वृद्ध जखमी, एकावर गुन्हा परळी वैजनाथ : प्रतिनिधी...      तालुक्यातील खोडवा सावरगाव तांडा येथे घरासमोर झालेल्या गोळीबाराच्या घटनेत ८५ वर्षीय वृद्ध जखमी झाल्याची घटना समोर आली आहे. या प्रकरणी परळी ग्रामीण पोलिस ठाण्यात एका ३१ वर्षीय व्यक्तीविरुद्ध गुन्हा दाखल करण्यात आला असून आरोपीला ताब्यात घेण्यात असल्याची माहिती पोलिसांनी दिली.       पोलिसांनी दिलेल्या माहितीनुसार, फिर्यादी प्रकाश फुलसिंग जाधव (वय ५०, व्यवसाय शेती, रा. खोडवा सावरगाव तांडा, ता. परळी) यांच्या तक्रारीवरून परसराम विद्याधर जाधव (वय ३१, रा. खोडवा सावरगाव तांडा) याच्याविरुद्ध गुन्हा दाखल करण्यात आला आहे. ही घटना २१ ऑगस्ट रोजी रात्री साडेसातच्या सुमारास फिर्यादीच्या राहत्या घरासमोर घडली.फिर्यादी, त्यांची पत्नी आणि वडील घरासमोर बसले असताना आरोपीने रागाच्या भरात अनाधिकृत गावठी कट्ट्यातून  तीन ते चार गोळ्या झाडून जीवे मारण्याचा प्रयत्न केल्याचे तक्रारीत नमूद आहे. या गोळीबारात फिर्यादीचे ८५ वर्षीय वडील फ...

 ‘पुढच्या पिढीसाठी भूमी नव्हे, स्मशानभूमी ठेवून जात आहोत’ मृद व जलसंधारण दिनानिमित्त लक्ष्मीबाई देशमुख महिला महाविद्यालयात विशेष व्याख्यान परळी वैजनाथ : प्रतिनिधी.. मातीची धूप, रासायनिक खतांचा व कीटकनाशकांचा अतिवापर आणि जलप्रदूषणामुळे पर्यावरणाचा समतोल दिवसेंदिवस ढासळत आहे. आपण आपल्या पुढच्या पिढीसाठी भूमी नव्हे, तर स्मशानभूमी ठेवून जात आहोत, अशी परखड भूमिका प्रमुख व्याख्याते दीपक पवार यांनी मांडली. लक्ष्मीबाई देशमुख महिला महाविद्यालयातील राष्ट्रीय सेवा योजना विभागाच्या वतीने महाराष्ट्राचे माजी मुख्यमंत्री स्वर्गीय सुधाकरराव नाईक यांच्या जयंतीनिमित्त तसेच मृद व जलसंधारण दिनाचे औचित्य साधून विशेष व्याख्यानाचे आयोजन करण्यात आले होते. कार्यक्रमाच्या अध्यक्षस्थानी संस्थेचे कोषाध्यक्ष प्रा. प्रसाद देशमुख होते, तर प्राचार्या डॉ. व्ही. व्ही. देशपांडे यांची प्रमुख उपस्थिती होती. कार्यक्रमाच्या प्रारंभी स्वर्गीय सुधाकरराव नाईक यांच्या प्रतिमेचे पूजन व अभिवादन करण्यात आले. प्रास्ताविकात रासेयो कार्यक्रम अधिकारी डॉ. विवेकानंद कवडे यांनी मृद व जलसंधारणाच्या क्षेत्रात सुधाकरराव नाईक यांनी केलेल...

  ओंकार शुगर ग्रुप ‘इंडस्ट्री एक्सलन्स अवॉर्ड’ने सन्मानित गोवा : साखर उद्योगाच्या विकासातील उल्लेखनीय योगदान, व्यावसायिक उत्कृष्टता तसेच आधुनिक तंत्रज्ञानाचा प्रभावी वापर याची दखल घेत ओंकार शुगर ग्रुपला ‘Industry Excellence Award’ या प्रतिष्ठित पुरस्काराने गौरविण्यात आले. गोवा येथे झालेल्या सोहळ्यात गोव्याचे मुख्यमंत्री प्रमोद सावंत यांच्या हस्ते हा पुरस्कार प्रदान करण्यात आला. ओंकार शुगर ग्रुपच्या वतीने संचालक ओमराजे बोत्रेपाटील यांनी पुरस्कार स्वीकारला. The Sugar Technologists’ Association of India (STAI), नवी दिल्ली यांच्या वतीने STAIच्या ८४व्या वार्षिक अधिवेशन व International Sugar Expo 2026 अंतर्गत १८ ते २० ऑगस्टदरम्यान गोव्यातील डॉ. श्यामा प्रसाद मुखर्जी इनडोअर स्टेडियम येथे विविध कार्यक्रमांचे आयोजन करण्यात आले होते. या आंतरराष्ट्रीय स्तरावरील अधिवेशनात साखर उद्योगातील तज्ज्ञ, तंत्रज्ञ, उद्योजक, साखर कारखान्यांचे प्रतिनिधी तसेच विविध संघटनांचे पदाधिकारी सहभागी झाले होते. ओंकार शुगर ग्रुपने साखर उद्योगासोबतच इथेनॉल, बायोएनर्जी, आधुनिक तंत्रज्ञान आणि शाश्वत विकास या क्षेत्रा...

  तेली समाजाचा रविवारी राज्यस्तरीय मेळावा कोल्हापुरात बीड जिल्ह्यातील तेली समाजाने मोठ्या संख्येने उपस्थित राहावे - ‌जिल्हाध्यक्ष संगमेश्वर फुटके  परळी वैजनाथ, प्रतिनिधी...       महाराष्ट्र प्रांतिक तैलिक महासभा आयोजित तेली समाजाचा राज्यस्तरीय मेळावा रविवार दि. २३ ऑगस्ट २०२६ रोजी कोल्हापूर येथील नष्टे लॉन, न्यू शाहूपुरी येथे दुपारी १२ ते ५ या वेळेत आयोजित करण्यात आला आहे.     या मेळाव्यास राज्याचे महसूल मंत्री चंद्रशेखर बावनकुळे, माजी मंत्री विजय वडेट्टीवार, माजी खासदार रामदास तडस आदी मान्यवर प्रमुख पाहुणे म्हणून उपस्थित राहणार आहेत, अशी माहिती महासभेचे बीड जिल्हाध्यक्ष संगमेश्वर फुटके यांनी दिली आहे. या मेळाव्यास बीड जिल्ह्यातील तेली समाज बांधवांनी व महाराष्ट्र प्रांतिक तैलिक महासभेच्या सर्व पदाधिकाऱ्यांनी मोठ्या संख्येने उपस्थित राहावे, असे आवाहन जिल्हाध्यक्ष संगमेश्वर फुटके, सचिव प्रा मधुकर शिंदे, तालुकाध्यक्ष मनोज जठार यांनी केले आहे. या मेळाव्यात संत जगनाडे महाराज आर्थिक विकास महामंडळास स्वतंत्र दर्जा द्यावा, सोलापूर-मंगळवेढा येथे महात्मा बसवेश्...

  परळी नगरपरिषदेच्या सभांचे थेट प्रक्षेपण व पत्रकारांसाठी स्वतंत्र गॅलरीची मागणी परळी वैजनाथ : परळी नगरपरिषदेच्या सर्वसाधारण सभांचे कामकाज अधिक पारदर्शक व्हावे आणि नागरिकांना नगरपरिषदेच्या निर्णयप्रक्रियेची माहिती थेट उपलब्ध व्हावी, यासाठी सर्वसाधारण सभांचे थेट प्रक्षेपण (Live Streaming) सुरू करावे, अशी मागणी भारतीय जनता पक्षाचे परळी शहर सरचिटणीस अश्विन मोगरकर यांनी केली आहे. याबाबत त्यांनी नगरपरिषदेच्या मुख्याधिकाऱ्यांना निवेदन दिले आहे. नगरपरिषदेच्या सर्वसाधारण सभांमध्ये शहरातील विकासकामे, नागरिकांच्या समस्या, विविध योजनांची अंमलबजावणी, आर्थिक विषयांसह अनेक महत्त्वपूर्ण बाबींवर चर्चा करून निर्णय घेतले जातात. या निर्णयांची माहिती नागरिकांपर्यंत पारदर्शकपणे पोहोचणे आवश्यक असल्याचे मोगरकर यांनी निवेदनात नमूद केले आहे. त्यामुळे नगरपरिषदेच्या अधिकृत सोशल मीडिया माध्यमांसह डिजिटल प्लॅटफॉर्मवर सर्वसाधारण सभांचे नियमित Live Streaming करण्याची कायमस्वरूपी व्यवस्था करण्यात यावी. यामुळे नागरिकांना आपल्या शहराशी संबंधित विषयांवर लोकप्रतिनिधी आणि प्रशासनामध्ये होणारी चर्चा थेट पाहता येईल तसेच...

छायाचित्रकार संघटना परळीच्या वतीने जागतिक छायाचित्र दिन उत्साहात साजरा परळी वैजनाथ,प्रतिनिधी... परळीतील छायाचित्रकार संघटनेच्या वतीने या कार्यक्रमाचे आयोजन करण्यात आले होते. यात सकाळी9वा. सर्व छायाचित्रकार यांनी जिजामाता उद्यानात एकत्र येऊन महाराष्ट्राचा मानाचा भगवा फेटा बांधून घेतला व सर्वांनी *माता जिजाऊ* यांच्या पुतळ्याला पुष्पहार अर्पण करून अभिवादन केले. जयघोष केला उद्यानातील शंकर भगवान मूर्ती जवळ फोटोसेशन करून मोटार सायकल रॅलीने *छ. शिवाजी महाराज आण्णाभाऊ साठे, डॉ .बाबासाहेब आंबेडकर, छत्रपती संभाजी महाराज* ,या महामानवांना पुष्पहार अर्पण करून रॅलीने सुयोग फोटो वर्ल्ड येथे कार्यक्रम स्थळी एकत्र आले.  या ठिकाणी मुख्य कार्यक्रमाचे आयोजन करण्यात आले होते रवी वळसे यांच्या अध्यक्षतेत गटनेते न.प. वैजनाथराव सोळुंके शिक्षण सभापती योगेश जी मेनकुदळे, ह .भ ‌.प. कोकाटे महाराज या प्रमुख पाहुण्यांच्या उपस्थितीत कार्यक्रम पार पडला या तीनही पाहुण्यांनी सर्वांना या दिनाच्या शुभेच्छा दिल्या तसेच आमच्या माध्यमातून परळीतील छायाचित्रकारांसाठी *छायाचित्रकार भवन* *आर्ट गॅलरी* साठी विशेष प्रयत्न करून ...

  इलेक्ट्रिकल व्यावसायिक धनराजआप्पा नरवणे यांचे निधन परळी : येथील गांधी मार्केट भागातील प्रसिद्ध इलेक्ट्रिकल व्यावसायिक धनराजआप्पा सांभाप्पा नरवणे (वय ८०) यांचे शुक्रवारी(दि.२१) सकाळी ७.१५ वाजता दीर्घ आजाराने निधन झाले. त्यांच्या निधनाने नरवणे कुटुंबीयांसह मित्रपरिवार व व्यापारी वर्गावर शोककळा पसरली आहे.      धनराजआप्पा नरवणे यांनी इलेक्ट्रिकल व्यवसायाच्या माध्यमातून परळी शहरात आपली स्वतंत्र ओळख निर्माण केली होती. त्यांच्या पश्चात पत्नी, तीन मुले, दोन मुली, सुना, नातवंडे असा मोठा परिवार आहे.ते ॲड. शशिकांत नरवणे, ऑटोमोबाईल व्यावसायिक मकरंद नरवणे आणि सराफ व्यावसायिक विशाल नरवणे यांचे वडील होत. त्यांच्यावर आज शुक्रवारी (दि.२१) दुपारी ३ वाजता परळी-गंगाखेड रस्त्यावरील श्री शंभू महादेव मंदिराजवळील त्यांच्या शेतामध्ये अंत्यसंस्कार करण्यात येणार आहेत.