MB NEWS-शेततळ्यातून माशांच्या अफलातून चोरी प्रकरणी ग्रामीण पोलीसांचा तपास : चोरी नाही तर मासे झाले मृत !

 शेततळ्यातून माशांच्या अफलातून चोरी प्रकरणी ग्रामीण पोलीसांचा तपास : चोरी नाही तर मासे झाले मृत !

परळी वैजनाथ ,प्रतिनिधी...

         शेततळ्यातून पाण्यातून काढून मासे चोरीला गेल्याची अफलातून चोरीच्या घटनेची नोंद परळी ग्रामीण पोलीस ठाण्यात दिनांक सहा रोजी झाली होती. ही फिर्याद दाखल झाल्यानंतर परळी ग्रामीण पोलिसांनी या प्रकरणाचा वेगवान तपास केला. घटनास्थळी जाऊन पाहणी केली असता या ठिकाणी चोरी नाही तर हे मासे मृत झाले असल्याचे ग्रामीण पोलीस ठाण्याचे प्रभारी पोलीस निरीक्षक मारुती मुंडे यांनी स्पष्ट केले आहे.

        परळीत चोऱ्यांचे सत्र सुरू असतानाच चोरीचा अफलातून प्रकार समोर आला. एका जणाच्या शेतातील शेततळ्यामधील 50 हजार रुपये किंमतीचे 500 किलो वजनाचे मासे कोणीतरी अज्ञात चोरट्याने पाण्यातून काढून चोरून नेल्याप्रकरणी परळी ग्रामीण पोलीस ठाण्यात गुन्ह्याची नोंद झाली. टोकवाडी शिवारातील शेतामध्ये असलेल्या एका शेततळ्यातून पन्नास हजार रुपये किमतीचे मासे कोणीतरी अज्ञात चोरट्याने चोरून नेले म्हणून  परळी ग्रामीण पोलीस ठाण्यात आज्ञाताविरुद्ध गुन्हा दाखल करण्यात आलेला आहे. या प्रकरणात फिर्यादत्त झाल्यानंतर ग्रामीण पोलिसांनी घटनेचा अधिक तपास केला असून खरोखरच माशांची चोरी झाली का याची घटनास्थळी जाऊन पाहणी करण्यात आली यावेळी माशांची चोरी झाली नसल्याचे स्पष्ट झाले असून मासे शेततळ्याच्या कडेला मृत अवस्थेत आढळून आले असल्याचे पोलिसांनी सांगितले आहे दरम्यान मासे चोरी केल्याची फिर्याद नोंदवून घेण्याचा आग्रह फिर्यादीने केल्याने याप्रकरणी फिर्याद दाखल करून घेण्यात आल्याचे स्पष्टीकरण प्रभारी पो.नि. मारुती मुंडे यांनी स्पष्ट केले आहे.