श्री गजानन महाराज यांच्या पालखीचे 13 जून रोजी परळी शहरात आगमन

 श्रीसंत गजानन महाराज यांच्या पालखीचे 13 जून रोजी परळी शहरात आगमन

परळी वैजनाथ (प्रतिनिधी)ः-शेगांव संस्थान येथील श्री गजानन महाराज यांच्या पालखीचे मंगळवार दि.13 जून 2023 रोजी परळी शहरात आगमन होणार आहे.

शेगांव येथुन पंढरपुरकडे निघालेल्या श्री गजानन महाराज यांच्या पालखीचे परळी व पंचक्रोशितील भक्तभावीक मोठ्या आतुरतेने वाट पाहत असुन येत्या 13 जून  मंगळवारी श्री गजानन महाराज यांच्या पालखीचे परळी शहरात आगमन होत आहे. ही पालखी शहराच्या मुख्य रस्त्यावरुन जात असतांना भाविक मोठ्या श्रद्धेने या श्री गजानन महाराज यांच्या पालखीचे भक्तीभावाने दर्शन घेतात. मंगळवार सकाळी 6.30 वाजता उड्डाणपुलावर या पालखीचे स्वागत होणार आहे. ज्या भाविकभक्तांना देणगी द्यावयाची आहे त्यांची  देणगी हासानंद बेगराज सामत कापड दुकान व अतुल क्लॉथ येथे स्विकारली जाईल. सर्व कापड व्यापारी व विविध व्यापारी यांच्याकडुन पालखीची सेवा व व्यवस्था केली जाते अशी माहिती विजय हासानंद सामत, विक्रम देशमुख, श्रीकांत गुंडाळे, रंजित भोयटे,  रामकिशन देवशटवार यांनी दिली.

श्री गजानन महाराज यांची पालखी दि.13 जून रोजी दुपारी 12 वाजल्यापासुन परळीतील जगमित्र नागा मंदिर येथे थांबणार असुन दि.14 जून 2023 रोजी अंबेजोगाई मार्गे पुढे प्रस्तान होणार असुन  दि.27 जून 2023 रोजी श्री क्षेत्र पंढरपुर येथे पालखी पोहचणार आहे.