खालापुरीत जुगार अड्ड्यावर धाड, 12 जुगाऱ्या यासह 4 लाखाचा मुद्देमाल हस्तगत

 जुगार अड्ड्यावर धाड, 12 जुगाऱ्या यासह 4 लाखाचा मुद्देमाल हस्तगत

शिरूर.....

पोलिसांना मिळालेल्या गुप्त माहितीवरून शिरूर तालुक्यातील खालापूरी येथे एसपीच्या पथकाकडून जुगार अड्ड्यावर छापा टाकला यामध्ये 12 जुगारी व 4 लाखाचा मुद्देमाल जप्त करण्यात आला या घटनेविरोधात शिरूर पोलीस स्टेशन मध्ये उशिरा पर्यंत गुन्हा दाखल करण्याची प्रक्रिया सुरू होती.

पोलीस अधिक्षक नंदकुमार ठाकूर यांच्या मार्गदर्शनाखाली विशेष पथका मार्फत सपोनी गणेश मुंडे यांच्या टीमने मिळालेल्या माहितीनुसार दि.5 ऑक्टोबर गुरुवार रोजी सायंकाळी 5 वाजण्याच्या सुमारास छापा टाकला यावेळी घटना स्थळावर 12 जुगारी,7 मोटारसायकल व रोख 25 हजाराची रक्कम हस्तगत करण्यात आली.या धाडीत 4 लाख 25 हजार रुपये असा मुद्देमाल जप्त करण्यात आला पथका मार्फत छाप्याची माहिती शिरूर पोलीसांना कळविल्या नंतर घटनास्थळावर पोलीस दाखल झाले होते.