नगर परिषद कर्मचाऱ्यांसाठी आनंदवार्ता
परळी नगरपरिषदेतील सर्व कर्मचारी व सेवानिवृत्त कर्मचाऱ्यांना मिळणार सातव्या वेतनाचा दुसरा हप्ता- प्रा. बी.जी. खाडे
परळीवैजनाथ:- परळी नगर परिषदेतील सेवा निवृत्त सर्व कर्मचाऱ्यांना दिवाळीसाठी सातव्या वेतनाचा फरकाचा दुसरा हप्ता मिळणार आहे अशी माहिती नगरपरिषद, कर्मचारी व सेवानिवृत नगर परिषद कर्मचारी संघटनेचे अध्यक्ष प्रा.बी.जी खाडे यांनी प्रसिद्धी पत्राद्वारे दिली आहे.
31 ऑक्टोबर रोजी परळी नगर परिषद कर्मचारी युनियनचे अध्यक्ष प्रा. बी. जी खाडे व उपाध्यक्ष शंकर साळवे यांच्या नेतृत्वात कर्मचाऱ्यांच्या शिष्टमंडळाने मुख्याधिकारी कांबळे यांना मागण्याचे निवेदन दिले. शिष्टमंडळाशी झालेल्या चर्चेत दिवाळीसाठी नगरपरिषदेतील सर्व कर्मचाऱ्यांना सातव्या वेतनाच्या फरकाचा दुसरा हप्ता देण्याचे मान्य केले. सातव्या वेतनाचा पहीला व तिसरा हप्ता यापूर्वीच मिळालेला आहे. सेवानिवृत कर्मचा-यांचे शिष्टमंडळ अध्यक्ष प्रा.बी जी.खाडे, सरचिटणीस जगन्नाथ शहाणे यांच्या नेतृत्वात मुख्याधिकार्यास भेटून चर्चा केली. सर्व सेवानिवृत्त कर्मचाऱ्यांना 7 व्या वेतनाच्या फरकाचा दुसरा हप्ता दिवाळीसाठी देण्याचे मान्य केले. तसेच सेवानिवृत कर्मचा-यांची थकीत रक्कम दरमहीन्यास सेवाज्येष्ठतेनुसार देण्याचे आश्वासन दिले.
टिप्पण्या
टिप्पणी पोस्ट करा