पंकजाताई मुंडे २४ तारखेला दाखल करणार उमेदवारी अर्ज

 पंकजाताई मुंडे २४ तारखेला दाखल करणार उमेदवारी अर्ज  

परळी वैजनाथ, प्रतिनिधी...

           भारतीय जनता पक्ष महायुतीच्या बीड लोकसभा मतदार संघाच्या अधिकृत उमेदवार पंकजाताई मुंडे या 24 तारखेला आपला उमेदवारी अर्ज दाखल करणार आहेत.

         बीड लोकसभा मतदारसंघासाठी भाजपाच्या वतीने माजी मंत्री, भारतीय जनता पक्षाच्या राष्ट्रीय सचिव असलेल्या लोकनेत्या पंकजाताई मुंडे यांना महायुतीच्या अधिकृत उमेदवार म्हणून उमेदवारी दिलेली आहे. उमेदवारी जाहीर झाल्यापासूनच पंकजा मुंडे यांचा जनसंपर्क, संवाद व प्रचार सभा अखंडितपणे सुरू आहेत. त्यांच्या प्रचाराला बीड जिल्ह्यातील जनतेकडूनही उत्स्फूर्त प्रतिसाद लाभत असल्याचे चित्र आहे. निवडणुकीचे चित्र निर्माण होण्यापूर्वीच उमेदवारी जाहीर होताच एक प्रकारे विजयोत्सव असावा अशा पद्धतीने पहिल्या टप्प्यात पंकजा मुंडे यांच्या उमेदवारीने जनमानसात मत बिंबवायला सुरुवात झाली होती. उमेदवारी दाखल होण्यापूर्वीच संपूर्ण बीड जिल्हा व प्रत्येक विधानसभा मतदारसंघ आणि बहुतांशी विधानसभा मतदारसंघातील प्रमुख गावांना स्वतः उमेदवार असलेल्या पंकजाताई मुंडे या दौरा करून आलेल्या आहेत. एका बाजुला हा प्रचार जिल्ह्यात सुरू असतानाच पंकजाताई मुंडे उमेदवारी अर्ज कधी दाखल करणार याची उत्सुकता होती. आता स्वतः पंकजाताई मुंडे यांनी याबाबत माहिती दिली असून 24 एप्रिल रोजी पंकजाताई मुंडे आपला उमेदवारी अर्ज दाखल करणार आहेत.