महाविजय २०२४ : पंकजाताई मुंडे यांच्या हस्ते उद्या बीड लोकसभा जिल्हा प्रचार कार्यालयाचा शुभारंभ व बीड मतदारसंघ कार्यकर्ता बैठक
बीड,प्रतिनिधी....
३९ बीड लोकसभा निवडणुक भाजपा महायुतीच्या अधिकृत उमेदवार पंकजाताई गोपिनाथराव मुंडे यांच्या हस्ते बीड लोकसभा जिल्हा प्रचार कार्यालयाचा शुभारंभ आज शुक्रवार दि.५ एप्रिल २०२४ रोजी करण्यात येणार आहे.तसेच बीड मतदारसंघ कार्यकर्ता बैठक होणार आहे.यावेळी खा. डॉ.प्रीतमताई मुंडे यांच्यासह महायुतीतील सर्व घटक पक्षांचे नेते उपस्थित राहणार आहेत.
आज शुक्रवार दि.५ एप्रिल २०२४ सकाळी ११.०० वा. संचेती बिल्डींग, एम.एस.ई.बी. कार्यालयासमोर, जालना रोड, बीड येथे पंकजाताई मुंडे यांच्या हस्ते बीड लोकसभा जिल्हा प्रचार कार्यालयाचा शुभारंभ करण्यात येणार आहे. यावेळी खासदार डाॅ.प्रितमताई मुंडे, भाजप जिल्हाध्यक्ष राजेंद्र मस्के, शिवसेना नेते अनिल जगताप, शिवसेना जिल्हाप्रमुख कुंडलिक खांडे,सचिन मुळूक,रिपाई नेते पप्पू कागदे आदींसह मान्यवर उपस्थित राहणार आहेत.यावेळी मोठ्या संख्येने उपस्थित रहावे असे आवाहन भाजप महायुती प्रचार समितीने केले आहे.
• बीड मतदारसंघ कार्यकर्ता बैठक
दरम्यान जिल्हा प्रचार कार्यालयाच्या उद्घाटनानंतर पंकजाताई मुंडे यांच्या अध्यक्षतेखाली बीड मतदार संघातील सर्व बुथ प्रमुख, शक्ती केंद्रप्रमुख, सुपर वॉरियर्स, जिल्हा, तालुका पदाधिकारी, सर्व आघाड्यांचे पदाधिकारी कार्यकर्ते, नगरसेवक, जि.प. सदस्यसरपंच, उपसरपंच तथा सर्व भाजप सक्रिय कार्यकर्त्यांची महत्वपुर्ण बैठक आयोजित करण्यात आली आहे. कै. तुकाराम गुरूजीनगर, मस्के कन्स्ट्रक्शन प्लांट, चऱ्हाटा रोड, बीड येथे ही बैठक होणार आहे. या बैठकीस मोठ्या संख्येने उपस्थित रहावे असे आवाहन भारतीय जनता पार्टी बीड जिल्हाध्यक्ष राजेंद्र मस्के, बीड विधानसभा निवडणुक प्रमुख, व प्रचार समितीच्या वतीने करण्यात आले आहे.
टिप्पण्या
टिप्पणी पोस्ट करा