संतापजनक: परळीत पुन्हा अमानवी कृत्य.....

 लाचखोर ग्रामसेवक सोपान मुसळे रंगेहात जेरबंद

गेवराई, प्रतिनिधी.....

बीड जिल्ह्यात लाचखोरीच्या घटनांमध्ये सातत्याने वाढ होत असताना, संबंधित कर्मचारी व अधिकाऱ्यांकडून कोणताही धडा घेतला जात नसल्याचे पुन्हा एकदा स्पष्ट झाले आहे. तलवाडा येथील ग्रामसेवक सोपान मुसळे यास पाच हजार रुपयांची लाच स्वीकारताना जालना लाचलुचपत प्रतिबंधक विभागाने रंगेहात पकडले. या कारवाईमुळे परिसरात खळबळ उडाली आहे.

मिळालेल्या माहितीनुसार, संबंधित तक्रारदाराकडून पीटीआर  देण्यासाठी मुसळे यांनी सुरुवातीला दहा हजार रुपयांची मागणी केली होती. तडजोडीनंतर ही रक्कम पाच हजारांवर निश्चित झाली. याप्रकरणी तक्रारदाराने जालना लाचलुचपत प्रतिबंधक विभागाकडे तक्रार दाखल केली होती.

त्यानुसार, २० एप्रिल २०२६ रोजी गेवराई येथील कार्यालयात सापळा रचण्यात आला. यावेळी सोपान मुसळे हे तक्रारदाराकडून ५,००० रुपयांची लाच स्वीकारताना रंगेहात पकडण्यात आले.ही कारवाई जालना एसीबीचे उपअधीक्षक बाळासाहेब जाधवर यांच्या मार्गदर्शनाखाली करण्यात आली. दरम्यान, या प्रकरणी गेवराई पोलीस ठाण्यात गुन्हा दाखल करण्याची प्रक्रिया सुरू असून पुढील तपास सुरू आहे.