दुष्काळामुळे स्थलांतरित झालेल्या ऊसतोड मजूरांसमवेत ना. पंकजा मुंडे साजरी करणार भाऊबीज
पुण्याच्या मावळ तालुक्यातील ऊसतोड मजुरांच्या पालावर दिवाळीची संध्याकाळ !
मुंबई दि. १० --- राज्याच्या पर्यावरण व पशुसंवर्धन मंत्री ना.पंकजा मुंडे उद्याची दिवाळी भाऊबीज दुष्काळामुळे स्थलांतरित झालेल्या ऊसतोड मजूरांसमवेत साजरी करणार आहेत. पुणे जिल्ह्यातील मावळ तालुक्यात साखर कारखान्यावरील ऊसतोड मजुरांच्या पालावर त्या जाणार आहेत.
यंदाच्या दुष्काळी परिस्थितीत अनेक कुटुंब आर्थिक संकटाचा सामना करत आहेत. ऊसतोड कामगारांचे जगणे तर अधिकच संघर्षमय झाले आहे. त्यांच्या कुटुंबातील मुलांच्या वाट्याला आनंदाचे क्षण यावेत, त्यांच्यासोबत आपुलकीचे नाते अधिक घट्ट व्हावे, या भावनेतून यंदाची भाऊबीज ऊसतोड कामगार व शेतकऱ्यांसोबत साजरी करणार असल्याचे ना. पंकजाताईंनी नुकतेच जाहीर केले होते, बीड जिल्ह्यातील शेकडो ऊसतोड मजूर पश्चिम महाराष्ट्रातील साखर कारखान्यावर ऊसतोडणीसाठी स्थलांतरित झाले आहेत, त्यांच्या सोबत दिवाळी साजरी करावी, यासाठी उद्या (ता. ११) सायंकाळी ४ वाजता त्या संत तुकाराम साखर कारखाना कासारसाई- दारूंब्रे ता. मुळशी जि. पुणे येथे ऊसतोड कामगारांच्या पालावर जाऊन भाऊबीज करणार असल्याचे त्यांच्या संपर्क कार्यालयातून सांगण्यात आले आहे.
••••
टिप्पण्या
टिप्पणी पोस्ट करा