माझी बातमी MB NEWS

  कमी पाण्यात ‘करटुले’चा प्रयोग; दीड एकरातून लाखोंच्या उत्पन्नाचा राजमार्ग  धर्मापुरीतील प्रगतिशील शेतकरी कुंडलीक बाबुराव फड यांची नावीन्यपूर्ण शेती; मराठवाड्यातील शेतकऱ्यांसाठी नवा पर्याय धर्मापुरी प्रतिनिधी : कमी पाणी, वाढता शेतीचा खर्च आणि बदलते हवामान यामुळे पारंपरिक शेतीसमोर अनेक आव्हाने उभी राहिली आहेत. मात्र, या परिस्थितीला संधी मानत धर्मापुरी येथील प्रगतिशील शेतकरी कुंडलीक बाबुराव फड यांनी कमी पाण्यात करटुले पिकाची यशस्वी लागवड करून शेतीतील नावीन्याचा आदर्श निर्माण केला आहे. अवघ्या दीड एकर क्षेत्रात केलेल्या या प्रयोगातून चांगले उत्पन्न मिळवण्याची संधी निर्माण झाली असून, परिसरातील शेतकऱ्यांचे लक्ष या प्रयोगाकडे वेधले गेले आहे. फड यांनी गट क्रमांक २००३ मधील सुमारे दीड एकर क्षेत्रावर गावरान बियाण्यांपासून करटुलेची लागवड केली आहे. साधारण चार महिन्यांच्या या पिकाला लागवडीनंतर सुमारे दोन महिन्यांनी फळधारणा सुरू होते. त्यानंतर दर १० ते १५ दिवसांनी तोडणी करता येते. एका हंगामात साधारण दहा तोडण्या होत असल्याने नियमित उत्पन्नाची शक्यता निर्माण होते. ठिबकवर करटुले; पाण्याची बचत क...

  परळी तालुका दुष्काळग्रस्त जाहीर करा; विविध प्रलंबित मागण्या तातडीने पूर्ण करा शिवसेना उद्धव बाळासाहेब ठाकरे पक्षाच्या वतीने उपजिल्हाधिकारी यांना निवेदन परळी वैजनाथ : परळी तालुका दुष्काळग्रस्त जाहीर करावा, सन २०२५ च्या खरीप पिकांच्या विम्याची रक्कम तातडीने शेतकऱ्यांच्या खात्यावर जमा करावी, नमो शेतकरी महासन्मान निधी योजनेची प्रलंबित रक्कम लाभार्थ्यांना तत्काळ वितरित करावी, यासह तालुक्यातील विविध प्रलंबित विकासकामे पूर्ण करावीत, अशा विविध मागण्यांचे निवेदन शिवसेना उद्धव बाळासाहेब ठाकरे पक्षाच्या वतीने उपजिल्हाधिकारी लाटकर साहेब यांना देण्यात आले. शिवसेना पक्ष प्रमुख उद्धव बाळासाहेब ठाकरे युवा सेनेचे आमदार आदित्य ठाकरे यांच्या आदेशावरुण मराठवाडा संपर्क नेते अंबादास दानवे उप नेत्या प्रा .सुषमाताई अंधारे बिड जिला संपर्क प्रमुख परशुराम जाधव उप संपर्क प्रमुख बाळासाहेब आंबुरे बिड जिला प्रमुख रत्नाकर आप्पा शिंदे उप जिला प्रमुख नारायण सातपुते यांच्या मार्गदर्शनाखाली शिवसेना परळी तालुका प्रमुख  भोजराज पालीवाल यांच्या नेतृत्वाखाली उप जिल्हाधिकारी लाटकर साहेबांना निवेदन देण्यात आले....

आठ दिवसांच्या शेळीच्या पिलाला पान्हा; दिंद्रुडमध्ये अजब घटना जनुकीय बदलाची शक्यता, घाबरण्याचे कारण नसल्याचे पशुवैद्यकीय अधिकाऱ्यांचे स्पष्टीकरण दिंद्रुड : माजलगाव तालुक्यातील दिंद्रुड येथे अवघ्या आठ दिवसांच्या शेळीच्या पिलाच्या स्तनातून दूधसदृश द्रव येत असल्याची अजब घटना समोर आली आहे. गेल्या सुमारे सात दिवसांपासून हा प्रकार सुरू असल्याने कटारे कुटुंबीयांसह ग्रामस्थांमध्येही कुतूहल निर्माण झाले आहे. जनुकीय बदलामुळे अशी घटना घडण्याची शक्यता असून, यामुळे घाबरण्याचे कारण नसल्याचे पशुवैद्यकीय अधिकाऱ्यांनी स्पष्ट केले आहे. दिंद्रुड येथील सुदाम कटारे यांचा शेळीपालनाचा व्यवसाय असून, त्यांच्याकडे सुमारे आठ शेळ्या आहेत. सुमारे पंधरा दिवसांपूर्वी त्यांच्या एका शेळीने तीन पिलांना जन्म दिला. त्यापैकी एका पिलामध्ये जन्मानंतर काही दिवसांनी असामान्य शारीरिक बदल दिसून आला. या पिलाच्या स्तनातून दूधसदृश द्रव बाहेर येत असल्याचे कटारे यांच्या निदर्शनास आले. सुरुवातीला कुटुंबीयांना हा प्रकार पाहून आश्चर्य वाटले. मात्र, वारंवार द्रव येत असल्याचे लक्षात आल्यानंतर त्यांनी ही बाब ग्रामस्थांच्या निदर्शनास ...

‘श्रावण महोत्सव’ की सरकारी सोपस्कार?; कार्यक्रम झाला, रसिक मात्र गायब! दर्जेदार कलावंत, उत्तम कार्यक्रम; पण प्रसिद्धीअभावी शासनाचा सांस्कृतिक उपक्रम जनतेपासूनच दूर परळी वैजनाथ : प्रतिनिधी..   महाराष्ट्र शासनाच्या सांस्कृतिक कार्य विभागाच्या सांस्कृतिक कार्य संचालनालयातर्फे परळी वैजनाथ येथे आयोजित करण्यात आलेला ‘श्रावण महोत्सव’ अपेक्षित रसिकांविना पार पडल्याने शासकीय कार्यक्रमांच्या नियोजनासह प्रसिद्धी यंत्रणेवर प्रश्नचिन्ह उपस्थित झाले आहे. भक्तिसंगीताचा सुरेल आविष्कार आणि गुणी कलावंतांचा सहभाग असतानाही कार्यक्रमाची माहिती व्यापक स्तरावर पोहोचविण्यात अपयश आल्याने दर्जेदार कार्यक्रमाचा अपेक्षित परिणाम साधता आला नसल्याची चर्चा शहरात आहे.  ‘श्रावण महोत्सवा’अंतर्गत ‘स्वरविहार’ या सांस्कृतिक कार्यक्रमाचे आयोजन करण्यात आले होते. प्रा. राजेश सरकटे यांच्यासह विविध कलावंतांनी या कार्यक्रमात सहभाग घेतला. मात्र, कार्यक्रमाची व्यापक पूर्वप्रसिद्धी झाल्याचे जाणवले नाही. शहरातील अनेक नागरिक, रसिक आणि सांस्कृतिक क्षेत्रातील कार्यकर्त्यांनाच कार्यक्रमाची माहिती नसल्याची स्थिती होती. कार्यक्रम...

खेळतांना आडबाजूला घेऊन गेला, अल्पवयीन मुलीवर बलात्कार ; खळबळजनक घटना परळी वैजनाथ:प्रतिनिधी...       तालुक्यातील जिरेवाडी येथील १४ वर्षीय अल्पवयीन मुलगी मारुती मंदिर परिसरात खेळताना अचानक बेपत्ता झाली होती. तिच्या आईने तिचा शोध घेतला मात्र ती मिळून आली नव्हती. काही वेळानंतर अतिप्रसंग झालेल्या अवस्थेत रडत रडत ही मुलगी घरी आली. त्यानंतर या अल्पवयीन मुलीवर शारीरिक अत्याचार झाल्याची खळबळजनक घटना उघडकीस आली असून याप्रकरणी गावातीलच एका युवकाविरुद्ध पोक्सो अंतर्गत गुन्हा दाखल करण्यात आला आहे.         जिरेवाडी येथे ६ सप्टेंबर रोजी सायंकाळी सात वाजण्याच्या सुमारास पिडीत अल्पवयीन मुलगी गावातील मारोती मंदिराच्या परिसरात खेळण्यासाठी गेली होती. मात्र, रात्री उशिरापर्यंत ती घरी परतली नाही.कुटुंबीयांनी परिसरात तसेच नातेवाईकांकडे शोध घेतला. मात्र मुलीचा ठावठिकाणा लागला नाही. त्यानंतरकाही वेळाने अतिप्रसंग झालेल्या अवस्थेत रडत रडत ही मुलगी घरी आली. तिच्यावर घडलेल्या अतिप्रसंगाची कहाणी तिने आपल्या कुटुंबीयांना सांगितली. याबाबत मुलीच्या आईने परळी पोलीस ठाण्यात तक्र...

परळीत मुलांसाठी १०८ पार्थिव शिवलिंग पूजनाचा गीता परिवाराचा अनोखा उपक्रम उत्साहात  परळी वैजनाथ :  प्रतिनिधी...       प. पू. स्वामी गोविंद गिरी महाराज यांच्या कृपाशीर्वादाने तसेच संजय भैया मालपाणी आणि प्रमिला दीदी माहेश्वरी यांच्या प्रेरणेने गीता परिवार, परळी वैजनाथ यांच्या वतीने श्रावण मासानिमित्त नर्मदा बाबा हनुमान मंदिर येथे मुलांसाठी १०८ पार्थिव शिवलिंग पूजनाचा विशेष धार्मिक उपक्रम उत्साहात पार पडला. परळी शहरात मुलांसाठी अशा प्रकारचे आयोजन प्रथमच करण्यात आल्याचे आयोजकांनी सांगितले.       गीता परिवाराच्या वतीने मुलांसाठी पार्थिव शिवलिंग तयार करून देण्यात आले. कार्यक्रमस्थळी प्रवेश करताना मुलांचे ‘जय श्रीकृष्ण’ म्हणत स्वागत करून कपाळी टिळा लावण्यात आला. पूजेसाठी टोपी, वस्त्र, माळ तसेच आवश्यक पूजासाहित्य उपलब्ध करून देण्यात आले. काही मुलांकडे पूजेसाठी आवश्यक साहित्य कमी असल्यास त्यांनाही ते साहित्य देण्यात आले.महाराज प्रसाद कुलकर्णी यांच्या मंत्रोच्चार व विधीवत मार्गदर्शनाखाली मुलांच्या हस्ते पार्थिव शिवलिंगाचे पूजन करण्यात आले. गीता परिवाराच्या...

परळीत मराठी कामगार सेनेच्या वतीने विद्यार्थ्यांना मोफत शालेय साहित्य-परीक्षा पॅड वाटप! परळी वैजनाथ: प्रतिनिधी...      मराठी कामगार सेनेचे अध्यक्ष तथा राष्ट्रवादी काँग्रेस पक्षाचे (घड्याळ) प्रदेश उपाध्यक्ष आदरणीय महेशदादा जाधव साहेब यांच्या खंबीर मार्गदर्शनाखाली कार्य करणाऱ्या मराठी कामगार सेनेच्या वतीने येथील अभिनव प्राथमिक व माध्यमिक विद्यालयात (नेहरू चौक, तळ) शालेय गरजू विद्यार्थ्यांना मोफत परीक्षा पॅड (Exam Pad) वाटप उपक्रम उत्साहात पार पडला. अभ्यासाला प्रोत्साहन आणि शैक्षणिक साहित्याची मदत मिळण्याच्या उद्देशाने या सामाजिक उपक्रमाचे आयोजन करण्यात आले होते. कार्यक्रमाला मराठी कामगार सेनेचे परळी वैजनाथ शहर सचिव लक्ष्मीकांत बापू फुलारी आणि शहर उपसचिव राम भंडारे यांची प्रमुख उपस्थिती होती. याप्रसंगी संघटनेचे सर्व पदाधिकारी, कार्यकर्ते व शाळेतील शिक्षकवृंद मोठ्या संख्येने उपस्थित होते. विद्यार्थ्यांनी अभ्यासावर लक्ष केंद्रित करावे, मोबाईलचा वापर मर्यादित ठेवून रोज व्यायाम व शिस्त पाळावी, असा मोलाचा सल्ला या वेळी देण्यात आला. हातात परीक्षा पॅड मिळाल्यानंतर विद्यार्थ्यांच्या ...