माझी बातमी MB NEWS

SIR रद्द करा; वगळलेली नावे पुन्हा समाविष्ट करा जमाअत-ए-इस्लामी हिंद महाराष्ट्राचा CJP ला पाठिंबा परळी : प्रतिनिधी मतदार याद्यांच्या विशेष सखोल पुनरावलोकनाच्या (SIR) प्रक्रियेमुळे पात्र नागरिकांची नावे मतदार यादीतून वगळली जाण्याची शक्यता आणि त्यातून मतदानाच्या अधिकारावर परिणाम होण्याची चिंता व्यक्त करत जमाअत-ए-इस्लामी हिंद महाराष्ट्राने SIR प्रक्रिया थांबवण्याची मागणी केली आहे. पात्र असूनही वगळण्यात आलेली नावे तातडीने पुन्हा मतदार यादीत समाविष्ट करावीत, अशी मागणी संघटनेचे अध्यक्ष मौलाना इलियास खान फलाही यांनी केली. SIR प्रक्रियेबाबतच्या शंका, मतदारांची नावे वगळण्यासंबंधीच्या तक्रारी आणि निवडणूक प्रक्रियेतील कथित गैरप्रकार यांची पारदर्शक व कायदेशीर चौकशी करावी, अशी संघटनेची भूमिका आहे. या पार्श्वभूमीवर मुख्य निवडणूक आयुक्त ज्ञानेश कुमार यांच्या राजीनाम्याची मागणीही करण्यात आली आहे. चौकशीत निवडणुकीतील गैरप्रकार सिद्ध झाल्यास संबंधित मतदारसंघांत पुन्हा निवडणूक घेण्यात यावी, अशी मागणी संघटनेने केली. तसेच CAA रद्द करण्यासह प्रस्तावित NRC, NPR आणि संबंधित उपाययोजना रद्द करण्याची भूमिकाही...

ना.पंकजा मुंडे यांचा उद्या बीड, पाटोद्यात दुष्काळ पाहणी दौरा ; शेतकऱ्यांना देणार दिलासा बीड दि. ०३ ----  राज्याच्या पर्यावरण व पशुसंवर्धन मंत्री ना.पंकजाताई मुंडे बीड जिल्ह्यात येत असून उद्या (ता. ०४) बीड व पाटोदा तालुक्यातील दुष्काळाची पाहणी करून शेतकऱ्यांना दिलासा देणार आहेत.    राज्य सरकारने दुष्काळ जाहीर केला असला तरी दुष्काळाची भयानकता लक्षात घेता सध्याच्या परिस्थितीत शेतकऱ्यांना आधार व दिलासा देणे आवश्यक आहे. ना. पंकजाताई मुंडे यासाठी जिल्ह्यात येत असून उद्या दुपारी  ३ ते ६.३० वा. दरम्यान त्या दुष्काळ व पीक परिस्थितीची पाहणी करणार आहेत. उद्या बीड तालुक्यातील काकडहिरा, मूर्शदपूर, वंजारवाडी तर  पाटोदा तालुक्यातील  पिठ्ठी, रोहतवाडी, थेरला, जवळाला, तांबा राजूरी येथे पाहणी दौरा करणार आहेत, परवा म्हणजे ५ तारखेला त्या वडवणी, धारूर, माजलगांव आणि गेवराई तालुक्यात पाहणी करणार असल्याची माहिती त्यांच्या संपर्क कार्यालयाने दिली आहे. ••••

परळी रेल्वे स्थानकावर फलाट बदलल्याने प्रवाशांची धावपळ प्लॅटफॉर्म एक रिकामा असतानाही अकोला गाडी तीनवर; अनेक प्रवाशांची गाडी हुकली परळी वैजनाथ : प्रतिनिधी परळी रेल्वे स्थानकावर फलाट बदलल्याने प्रवाशांची ऐनवेळी धावपळ उडाल्याचा प्रकार घडला. प्लॅटफॉर्म क्रमांक एक रिकामा असतानाही पंढरपूर-अकोला रेल्वेगाडी अचानक प्लॅटफॉर्म क्रमांक तीनवर घेण्यात आली. या बदलाची माहिती मिळेपर्यंत अनेक प्रवासी एक क्रमांकाच्या फलाटावरच थांबले होते. तिसऱ्या फलाटावर जाण्यासाठी दादरा चढून धावपळ करावी लागल्याने काही प्रवाशांना गाडी पकडता आली नाही. विशेष म्हणजे, तिसऱ्या फलाटावर सध्या नूतनीकरणाचे काम सुरू असून बांधकाम साहित्य जागोजागी पडलेले आहे. त्यामुळे गाडी पकडण्यासाठी धावणाऱ्या प्रवाशांना अडथळ्यांचा सामना करावा लागला. महिला, ज्येष्ठ नागरिक आणि लहान मुलांसह प्रवाशांना अशा परिस्थितीत धावपळ करावी लागल्याने अपघाताचा धोका निर्माण झाला होता. या प्रकारामुळे रेल्वेच्या नियोजनाबाबत प्रवाशांमध्ये नाराजी व्यक्त होत आहे. अकोला गाडी शक्यतो नियमितपणे प्लॅटफॉर्म क्रमांक एकवरून सोडण्यात यावी, ऐनवेळी फलाट बदलण्याची वेळ आल्यास प्र...

मातृ-पितृ स्मरणार्थ तुकाराम गाथा पारायण, एकनाथी भागवत कथा प्रवचन  व कीर्तनांचे आयोजन मोठ्या संख्येने उपस्थित रहावे - भास्करमामा चाटे परळी वैजनाथ : प्रतिनिधी...       मातृ-पितृ स्मरणार्थ परळी-बीड रोडवरील मुक्ताई लॉन्स येथे तुकाराम गाथा पारायण,एकनाथी भागवत कथा प्रवचन व मान्यवर कीर्तनकारांची कीर्तनसेवा या धार्मिक कार्यक्रमाचे आयोजन करण्यात आले आहे. ३ ते ९ ऑक्टोबर २०२६ या कालावधीत विविध धार्मिक कार्यक्रमांचे आयोजन करण्यात आले असून, भाविकांनी मोठ्या संख्येने उपस्थित राहून या अध्यात्मिक सोहळ्याचा लाभ घ्यावा, असे आवाहन भास्करमामा चाटे व परिवाराने केले आहे.      या कार्यक्रमाचा प्रारंभ शनिवार, ३ ऑक्टोबर रोजी तुकाराम महाराज गाथा पारायणाने होणार आहे. या कालावधीत संतवाङ्मय, हरिनाम, भागवत कथा व प्रवचनांच्या माध्यमातून आध्यात्मिक कार्यक्रम होणार आहेत. गुरुवार, ८ ऑक्टोबर रोजी सायंकाळी ५ ते ७ वाजता ह.भ.प. चंद्रकांत महाराज वांजळे (वारजेकर), पुणे यांचे हरिकीर्तन होणार आहे. तसेच शुक्रवार, ९ ऑक्टोबर रोजी सकाळी ११ ते १ वाजता ह.भ.प. ज्ञानसिंधू संदीपान महाराज हासेगावकर, अध्...

जायकवाडीच्या हक्काच्या पाण्यासाठी १४० गावांचा एल्गार! सिंदफणा काठ पेटला; गावोगावी जनजागृतीला उत्स्फूर्त प्रतिसाद, नाथापूरच्या महाबैठकीतून निर्णायक लोकलढ्याची तयारी वडवणी, प्रतिनिधी : बीड जिल्ह्यातील वंचित भागातील शेतीला जायकवाडी धरणाचे हक्काचे पाणी मिळावे, या मागणीसाठी सिंदफणा नदीकाठावरील तब्बल १४० गावांतील शेतकरी एकवटले असून, हक्काच्या पाण्यासाठी लोकलढ्याचा एल्गार उभा राहिला आहे. या लढ्याची व्याप्ती वाढत असून गावोगावी बैठकांचा धडाका सुरू झाला आहे. नाथापूर येथे होणाऱ्या महाबैठकीच्या पार्श्वभूमीवर लोकलढा समितीच्या वतीने प्रत्येक गावात जाऊन जनजागृती केली जात असून, या अभियानाला शेतकरी, तरुण, महिला आणि ग्रामस्थांकडून मोठा प्रतिसाद मिळत आहे. बीड जिल्ह्यातील अनेक भाग सध्या भीषण पाणीटंचाई आणि दुष्काळाच्या संकटाला सामोरे जात आहेत. सोयाबीन, कापूस, तूर यांसारखी पिके पाण्याअभावी वाया गेली आहेत. फळबागा अखेरच्या घटका मोजत आहेत. अनेक गावांमध्ये पिण्याच्या पाण्यासाठीही नागरिकांना पाणी विकत घ्यावे लागत आहे. तर पाण्याअभावी ऊस पिकेही संकटात सापडली आहेत. शेती आणि पिण्याच्या पाण्याचा प्रश्न दिवसेंदिवस गंभ...

  वैद्यनाथ कॉलेजमध्ये राष्ट्रपिता महात्मा गांधी व माजी पंतप्रधान लालबहादूर शास्त्री जयंती उत्साहात साजरी  महात्मा गांधी व शास्त्री यांचे विचार आजच्या पिढीसाठी प्रेरणादायी — प्राचार्य डॉ. आर. डी. राठोड परळी वैजनाथ : येथील जवाहर शिक्षण संस्थेच्या वैद्यनाथ कॉलेजमध्ये राष्ट्रपिता महात्मा गांधी व माजी पंतप्रधान लालबहादूर शास्त्री यांच्या जयंतीनिमित्त विविध उपक्रमांचे आयोजन करून जयंती उत्साहात साजरी करण्यात आली. जयंतीच्या निमित्ताने  राज्यशास्त्र विभागाच्या वतीने मतदान जागृती, तसेच राष्ट्रीय सेवा योजना विभागाच्या माध्यमातून ‘मानवतेसाठी आत्मजाणीव’ या विषयावर विशेष कार्यक्रमाचे आयोजन करण्यात आले.कार्यक्रमाच्या अध्यक्षस्थानी महाविद्यालयाचे प्राचार्य डॉ. आर. डी. राठोड होते. यावेळी विद्यापीठ विद्यापरिषद सदस्य व प्राध्यापक प्रतिनिधी  डॉ. पी. एल. कराड, उपप्राचार्य डॉ. व्ही. बी. गायकवाड, प्रा. डी. के. आंधळे, राष्ट्रीय सेवा योजनेचे कार्यक्रमाधिकारी डॉ. माधव रोडे, समन्वयक प्रा. उत्तम कांदे आणि स्टाफ सेक्रेटरी डॉ. एम. जी. लांडगे यांची प्रमुख उपस्थिती होती.        ...

  वगळलेली पात्र मतदारांची नावे पुन्हा यादीत घेण्यासाठी विशेष मोहीम एसआयआर पूर्ण झालेल्या २० राज्ये-केंद्रशासित प्रदेशांत निवडणूक आयोगाचे निर्देश; बीएलओंकडून विशेष नोंदणी मोहीम नवी दिल्ली : प्रतिनिधी — विशेष सखोल पुनरीक्षण (SIR) प्रक्रिया पूर्ण झालेल्या २० राज्ये आणि केंद्रशासित प्रदेशांमध्ये मतदार यादीतून वगळल्या गेलेल्या पात्र नागरिकांची नावे पुन्हा समाविष्ट करण्यासाठी विशेष मोहीम राबविण्याचे निर्देश केंद्रीय निवडणूक आयोगाने दिले आहेत. एसआयआरदरम्यान किंवा त्यानंतर मतदार यादीत नाव राहून गेलेल्या नागरिकांसह नव्या व प्रथमच मतदान करणाऱ्या पात्र मतदारांना या मोहिमेतून नोंदणीची संधी मिळणार आहे. निवडणूक आयोगाने मतदार यादी अधिक अचूक आणि सर्वसमावेशक ठेवण्याच्या उद्देशाने ही प्रक्रिया सुरू केली आहे. संबंधित राज्यांचे मुख्य निवडणूक अधिकारी (CEO), जिल्हा निवडणूक अधिकारी (DEO) आणि मतदार नोंदणी अधिकारी (ERO) यांनी वगळल्या गेलेल्या पात्र मतदारांच्या नोंदणीसाठी विशेष मोहीम तातडीने सुरू करण्याचे निर्देश देण्यात आले आहेत. बीएलओंकडून घराघरांत पडताळणी या मोहिमेत बूथ लेव्हल ऑफिसर (BLO) घराघरांत ...