पोस्ट्स

बंद होणारी परंपरा अखंडित....परळी तालुका मंडप असोसिएशनचा पहिलाच सांस्कृतिक उपक्रम....

इमेज
  परळीत उद्या रंगणार ‘दिवाळी पहाट’; स्वरनक्षत्रच्या सुरांनी नववर्षाचे स्वागत!  आ. धनंजय मुंडे आणि नगराध्यक्षा पद्मश्रीताई धर्माधिकारी यांची प्रमुख उपस्थिती परळी वैजनाथ : दीपावलीच्या मंगलमय पर्वानिमित्त परळीकरांसाठी यंदा संगीताची खास मेजवानी आयोजित करण्यात आली आहे. बीड जिल्हा मंडप असोसिएशन व परळी तालुका मंडप असोसिएशन यांच्या वतीने प्रथमच ‘दिवाळी पहाट’ या विशेष सांस्कृतिक कार्यक्रमाचे आयोजन करण्यात आले आहे. स्वरनक्षत्र प्रस्तुत या कार्यक्रमात परळीतील तसेच निमंत्रित कलाकारांकडून पहाट गाण्यांचे सादरीकरण केले जाणार आहे. मंगळवार, दि. १० नोव्हेंबर रोजी सकाळी ६ वाजता लोकनेते गोपीनाथरावजी मुंडे नटराज रंगमंदिर, परळी वैजनाथ येथे हा कार्यक्रम होणार आहे. दीपावलीच्या उत्सवी वातावरणात सुरेल गीतांची मैफल अनुभवण्याची संधी यानिमित्ताने परळीकरांना मिळणार आहे.या कार्यक्रमाला माजी मंत्री आ. धनंजय मुंडे  आणि परळी नगर परिषदेच्या नगराध्यक्षा सौ. पद्मश्रीताई बाजीराव धर्माधिकारी यांची प्रमुख उपस्थिती लाभणार आहे. परळी तालुका मंडप असोसिएशनच्या वतीने प्रथमच अशा स्वरूपाचा सांस्कृतिक उपक्रम राबविण्यात ...

संपादक अनंत कुलकर्णी यांनी संपादित केलेला दिवाळी अंक....

इमेज
 'परळी संचार' दिवाळी अंकाचे मान्यवरांच्या हस्ते प्रकाशन परळी वैजनाथ... 'परळी संचार' या दिवाळी अंकाचे आज (दि. ८ रोजी आमदार धनंजय मुंडे आणि वैद्यनाथ बँकेचे माजी चेअरमन अशोक जैन यांच्या हस्ते या अंकाचे प्रकाशन झाले. 'परळी संचार' हा अंक दरवर्षी वाचकांसाठी खूप चांगले लेख आणि माहिती घेऊन येतो. यंदाचा अंकही लोकांना वाचायला नक्कीच आवडेल आणि तो माहितीपूर्ण ठरेल, असा विश्वास आमदार धनंजय मुंडे आणि इतर मान्यवरांनी यावेळी व्यक्त केला. या कार्यक्रमाला  कृषी उत्पन्न बाजार समितीचे सभापती सूर्यभान (नाना) मुंडे, माजी नगराध्यक्ष बाजीराव भैय्या धर्माधिकारी, बाजार समितीचे संचालक जयपाल लाहोटी,ज्येष्ठ नेते शांतीलाल जैन, नगरसेवक वैजनाथ सोळंके, वैद्यनाथ बँकेचे संचालक प्रा. डॉ. विनोद जगतकर, संचालक कुलभूषण जैन आणि डॉ. कुलदीप जैन आदी मान्यवर उपस्थित होते.

पाणीपुरवठा सभापती जयश्री ताई व रविंद्र (पापा) गीते यांचा पुढाकार....

इमेज
  दुष्काळात सामाजिक बांधिलकीचा दीप; साई प्रेम फाऊंडेशनकडून ४०० गरजूंना दिवाळी फराळ परळी वैजनाथ (प्रतिनिधी) :       दिवाळीचा आनंद प्रत्येकाच्या वाट्याला यावा, या भावनेतून साई प्रेम फाऊंडेशनच्या वतीने सुमारे ४०० निराधार, गोरगरीब आणि वंचित नागरिकांना दिवाळी फराळ किटचे वाटप करण्यात आले.  साई प्रेम फाऊंडेशनचे साईभक्त तथा उद्योजक रवींद्र (पापा) गित्ते आणि परळी नगर परिषदेच्या पाणीपुरवठा सभापती सौ. जयश्रीताई गित्ते यांच्या पुढाकारातून दीपावली तथा लक्ष्मीपूजनाच्या दिवशी हा उपक्रम राबविण्यात आला. घाटनांदूर येथील गुरुदास सेवा आश्रम, परळीतील वैद्यनाथ मंदिर परिसर, रेल्वे स्थानक आणि वैद्यनाथ महाविद्यालय परिसरातील गरजू नागरिकांपर्यंत फाऊंडेशनचे कार्यकर्ते पोहोचले. त्यांनी फराळ किटचे वाटप करण्याबरोबरच लाभार्थ्यांशी संवाद साधत त्यांच्यासोबत दिवाळीचा आनंदही साजरा केला. दुष्काळी परिस्थितीत शेतकरी, कष्टकरी आणि आर्थिकदृष्ट्या दुर्बल घटकांसमोर अनेक प्रश्न उभे असताना सामाजिक संस्थांनी मदतीसाठी पुढे येण्याची गरज आहे. अशा काळात केवळ मदतीचा हात देणे नव्हे, तर गरजू व्यक्तींना आपुलकीच...

कल्याण आयुक्त पदी नियुक्ती..... अभिनंदन!!!

इमेज
महाराष्ट्र कामगार कल्याण मंडळ: कल्याण आयुक्त म्हणून नंदलाल राठोड यांनी स्वीकारला पदभार   कामगार कल्याण मंडळाच्या  कल्याणकारी योजना व उपक्रमांना अधिक गती मिळेलः कक्ष अधिकारी रमेश शिंदे  परळी प्रतिनिधी : दीपावली पर्वातील अत्यंत शुभ आणि मंगलमय मानल्या जाणाऱ्या धनत्रयोदशीच्या पावन दिनी महाराष्ट्र कामगार कल्याण मंडळाच्या कल्याण आयुक्त पदाचा कार्यभार नंदलाल राठोड  यांनी  स्वीकारला. या मंगलमय वातावरणात झालेल्या या पदग्रहणामुळे मंडळाच्या प्रशासकीय कार्याला नवी दिशा आणि ऊर्जा मिळणार आहे. यावेळी महाराष्ट्र शासनाच्या कामगार विभागातील  कक्ष अधिकारी, कामगार-१०, रमेश शिंदे स यांनी सदिच्छा भेट देऊन  नंदलाल राठोड  यांचे अभिनंदन केले व त्यांना कल्याण आयुक्त पदाच्या नवीन जबाबदारीसाठी मनःपूर्वक शुभेच्छा दिल्या. यावेळी त्यांनी श्री. राठोड यांच्या पुढील प्रशासकीय वाटचालीसाठी शुभेच्छा व्यक्त करत त्यांच्या नेतृत्वाखाली महाराष्ट्र कामगार कल्याण मंडळाच्या विविध कल्याणकारी योजना व उपक्रमांना अधिक गती मिळेल, असा विश्वास व्यक्त केला. कामगार कल्याण मंडळाच्या माध्यमातून र...

दिवाळीपर्यंत पाणीपुरवठा नियमित ठेवण्याचा निर्णय; सभापती सौ. जयश्रीताई गित्ते यांच्या पाणीपुरवठा विभागाला सूचना

इमेज
दिवाळी सणानिमित्त परळीत नियमित पाणीपुरवठा; दहा दिवसांच्या प्रतीक्षेतून नागरिकांना दिलासा! परळीकरांच्या दिवाळीचा आनंद द्विगुणित करण्यासाठी नियमित पाणीपुरवठ्याचे नियोजन – सभापती सौ.जयश्रीताई गित्ते परळी वैजनाथ (प्रतिनिधी) :-           “दिवाळी हा आनंदाचा सण असून, या काळात परळीकरांना पाण्यासाठी अडचण येऊ नये, यासाठी दिवाळीपर्यंत शहरात नियमित पाणीपुरवठा करण्याचे नियोजन केले आहे. दहा दिवसांआड होणाऱ्या पाणीपुरवठ्यात बदल करून नागरिकांना दिलासा देण्याचा आमचा प्रयत्न आहे. पाणीपुरवठ्यात कोणतीही अडचण निर्माण झाल्यास ती तातडीने सोडविण्याच्या सूचना संबंधित विभागाला दिल्या आहेत. दुष्काळी परिस्थितीमुळे पाणीसाठा मर्यादित असल्याने नागरिकांनीही पाण्याचा जपून वापर करावा. परळीकरांची दिवाळी पाण्याअभावी अडचणीत येऊ नये, यासाठी नगर परिषद प्रशासन कटिबद्ध आहेत अशी माहिती सभापती सौ. जयश्रीताई गित्ते  यांनी दिली.           दिवाळी सणाच्या पार्श्वभूमीवर परळी शहरातील नागरिकांना दिलासा देण्यासाठी नगर परिषदेकडून विशेष नियोजन करण्यात आले असून, दहा दिवसांआड सुरू असलेल...

महावितरणची ‘अभय योजना २०२६-२७’ लागू...

इमेज
  दिवाळीच्या पार्श्वभूमीवर वीजग्राहकांना थकबाकीमुक्तीची संधी! परळीचे उपकार्यकारी अभियंता ए. बी. खंडारे यांचे पात्र ग्राहकांना योजनेचा लाभ घेण्याचे आवाहन परळी वैजनाथ : दिवाळीच्या शुभपर्वाचे औचित्य साधून महावितरणने कायमस्वरूपी वीजपुरवठा खंडित झालेल्या बिगरकृषी वीजग्राहकांसाठी ‘अभय योजना २०२६-२७’ जाहीर केली आहे. या योजनेच्या माध्यमातून थकीत वीजबिलांचा प्रश्न निकाली काढण्याची ग्राहकांना मोठी संधी उपलब्ध झाली आहे. थकबाकीवरील संपूर्ण व्याज आणि विलंब आकार १०० टक्के माफ करण्यात येणार असून, मूळ थकबाकी एकरकमी भरल्यास २० टक्क्यांपर्यंत सवलत मिळणार आहे. या योजनेचा लाभ घेण्यासाठी परळी येथील पात्र वीजग्राहकांनी पुढाकार घ्यावा, असे आवाहन महावितरणचे परळी उपविभागाचे उपकार्यकारी अभियंता ए. बी. खंडारे यांनी केले आहे. महावितरणच्या या योजनेची अंमलबजावणी ६ नोव्हेंबर २०२६ ते १५ जानेवारी २०२७ या कालावधीत होणार आहे. घरगुती, व्यावसायिक, औद्योगिक आणि इतर बिगरकृषी ग्राहकांना या योजनेचा लाभ घेता येणार आहे. मात्र, कृषी वीजजोडण्या आणि सार्वजनिक नळ पाणीपुरवठा योजनांना या योजनेतून वगळण्यात आले आहे. योजनेनुसार...
इमेज
  जलतरणानंतर योगासनातही आभाची सुवर्णभरारी; राज्यात प्रथम क्रमांक, राष्ट्रीय स्पर्धेसाठी निवड! परळी वैजनाथ (प्रतिनिधी) : जिद्द, मेहनत, आत्मविश्वास आणि कठोर परिश्रमाच्या जोरावर यशाची नवनवी शिखरे सर करणाऱ्या बीड जिल्ह्याच्या आभा गणेश मुंडे हिने क्रीडा क्षेत्रात पुन्हा एकदा उल्लेखनीय कामगिरी केली आहे. पुणे येथे पार पडलेल्या दुसऱ्या महाराष्ट्र राज्य पॅरा योगासन क्रीडा अजिंक्यपद स्पर्धा २०२६-२७ मध्ये आभाने अस्थिव्यंग प्रवर्गातून प्रथम क्रमांक पटकावत सुवर्णपदकाची कमाई केली. या यशामुळे तिची राष्ट्रीय योगासन स्पर्धेसाठी निवड झाली आहे. पुण्यात राज्यस्तरीय स्पर्धेत सुवर्णयश महाराष्ट्र पॅरा योगासन स्पोर्ट कमिटी आणि महाराष्ट्र योगासन स्पोर्ट असोसिएशन यांच्या संयुक्त विद्यमाने, बाळ कल्याण संस्था व चिरंजीव फाउंडेशन यांच्या सहकार्याने २ व ३ नोव्हेंबर २०२६ रोजी औंध, पुणे येथे या स्पर्धेचे आयोजन करण्यात आले होते. या स्पर्धेत बीड जिल्ह्याचे प्रतिनिधित्व करणाऱ्या आभा गणेश मुंडे हिने आपल्या योगासन कौशल्याचे उत्कृष्ट प्रदर्शन केले. विविध स्पर्धकांशी चुरशीची लढत देत तिने प्रथम क्रमांक (First Position) मि...