MB NEWS:भागवताचार्य हभप श्री जगदीश महाराज सोनवणे यांची टाळ मृदंगाच्या गजरात घोड्यावरून मिरवणूक
भागवताचार्य हभप श्री जगदीश महाराज सोनवणे यांची टाळ मृदंगाच्या गजरात घोड्यावरून मिरवणूक
मौजे धसवाडी ता. अंबाजोगाई जिल्हा बीड येथील अखंड हरिनाम सप्ताह तथा श्रीमद् भागवत कथा ज्ञान यज्ञ सोहळा निमित्ताने सप्ताहाच्या सांगता दिवशी काल्याच्या प्रसंगी व श्रीमद् भागवत कथेची सांगता निमित्ताने सुप्रसिद्ध कीर्तनकार भागवताचार्य जगदीश महाराज सोनवणे यांची टाळ मृदंगाच्या गजरामध्ये घोड्यावरून वाजत गाजत भव्य दिव्य मिरवणूक काढण्यात आली व महाराजांचे जंगी स्वागत केले.
हभप सोनवणे महाराज यांच्या मधुर वाणीतून अप्रतिम गायन शैलीने व वेगवेगळ्या उदाहरणाने भागवत कथा सांगण्याची विशेष शैली सध्या प्रत्येक गावागावांमध्ये भाविकांच्या तरुण बांधवांच्या हृदयावर अधिराज्य गाजवत असताना दिसून येत आहे व अशा पद्धतीने महाराजांचा संपूर्ण महाराष्ट्रच नव्हे तर इतर राज्यातही नावलौकिक वाढलेला दिसतो आहे. हभप सोनवणे महाराजांच्या कीर्तनाला व भागवत कथेला हजारोंची गर्दी ही दिसून येत आहे प्रत्येक तालुक्यामध्ये महाराजांच्या कीर्तनासाठी तरुण वर्ग आवर्जून कीर्तनासाठी उपस्थित राहत आहे. अशा पद्धतीने मौजे धसवाडी ता अंबाजोगाई येथील संपूर्ण गावकरी व तरुण मंडळ अतिशय मंत्रमुग्ध झाले व संपूर्ण ग्रामस्थ मंडळींनी ह भ प सोनवणे महाराज यांची टाळ मृदंगाच्या गजरात घोड्यावरून अतिशय जल्लोषात भव्यदिव्य मिरवणूक काढून अप्रतिम स्वागत केले.
--------------------------------------------
Click: *सिमेंट फॅक्ट्रीत कामगाराचा मृत्यू
Video news
टिप्पण्या
टिप्पणी पोस्ट करा