माझी बातमी MB NEWS

पाणीटंचाईच्या नियोजनासह परळीच्या विविध विकास कामांना न. प.च्या सर्वसाधारण सभेत दिशा ! सभागृहात घनकचरा प्रक्रिया प्रकल्प, रस्ते विकास आणि पथविक्रेता आराखड्याबाबत निर्णय; नगराध्यक्षा सौ. पद्मश्रीताई धर्माधिकारी यांच्या अभिनंदनाचा ठराव परळी वैजनाथ : प्रतिनिधी....     ना. पंकजाताई मुंडे व आ.धनंजय मुंडे यांच्या नेतृत्वाखाली परळी शहराचा सर्वांगीण विकास करण्याचा उद्देश घेऊन नगरपरिषद काम करत आहे. आगामी काळात उद्भवू शकणारी पाणीटंचाई, शहरातील पायाभूत सुविधांचा विकास आणि नागरी प्रश्नांच्या निराकरणावर लक्ष केंद्रित करीत परळी वैजनाथ नगर परिषदेच्या सर्वसाधारण सभेत विविध महत्त्वपूर्ण प्रस्तावांना मंजुरी देण्यात आली. नगराध्यक्षा सौ. पद्मश्रीताई बाजीराव धर्माधिकारी यांच्या अध्यक्षतेखाली नगर परिषद सभागृहात अतिशय खेळीमेळीच्या वातावरणात झालेल्या या सभेत पाणीटंचाई निवारण आराखडा, रस्ते विकास, घनकचरा व्यवस्थापन, पथविक्रेत्यांचे नियोजन आणि निवासी अतिक्रमणांच्या प्रश्नांवर चर्चा करण्यात आली.     ना. पंकजाताई मुंडे व आ. धनंजय मुंडे यांच्या मार्गदर्शनाखाली  दुष्काळी परिस्थितीचा विचार करून...

आयलोजी घटमल यांना बंधू शोक;आकाश वैजनाथ घटमल यांचे निधन वयाच्या अवघ्या ३७ व्या वर्षी घेतला अखेरचा श्वास; घटमल कुटुंबावर दुःखाचा डोंगर परळी वैजनाथ (प्रतिनिधी) : परळी येथील उद्योजक आयलोजी घटमल यांचे बंधू आकाश वैजनाथ घटमल यांचे दि. ३ नोव्हेंबर  २०२६ रोजी पहाटे ४ वाजता हृदयविकाराच्या तीव्र झटक्याने दुःखद निधन झाले. मृत्यूसमयी त्यांचे वय अवघे ३७ वर्षे होते. त्यांच्या अकाली निधनाच्या वृत्ताने घटमल कुटुंबीय, नातेवाईक, मित्रपरिवार आणि परिचितांमध्ये शोककळा पसरली असून सर्वत्र हळहळ व्यक्त होत आहे. आकाश घटमल यांच्या अकाली जाण्याने घटमल कुटुंबावर दुःखाचा डोंगर कोसळला आहे. त्यांच्या पश्चात आई, पत्नी, दोन भाऊ, एक मुलगा आणि एक मुलगी असा परिवार आहे. कुटुंबातील तरुण सदस्याच्या अचानक झालेल्या निधनाने कुटुंबीयांवर दुःखाचा आघात झाला आहे. *आज अंत्यसंस्कार* आकाश वैजनाथ घटमल यांच्या पार्थिवावर आज सायंकाळी ५ वाजता परळी येथील नंदागोळ रोडवरील भोई समाज स्मशानभूमीत अंत्यसंस्कार करण्यात येणार आहेत. आकाश घटमल यांच्या निधनाने घटमल कुटुंबीयांवर ओढवलेल्या दुःखात एमबी न्यूज परिवार सहभागी आहे.

परळीत ८.१० लाखांचा तांब्याचा साठा जप्त; उड्डाणपुलाजवळ मध्यरात्री कारवाई परळी वैजनाथ : शहरातील उड्डाणपुलाजवळ मध्यरात्री पोलिसांनी कारवाई करून ८ लाख १० हजार रुपये किमतीचा ५४० किलो तांब्याचा साठा जप्त केला. नऊ पोत्यांमध्ये भरलेल्या या तांब्याच्या मालकीबाबत आणि स्रोताबाबत समाधानकारक माहिती देता न आल्याने संबंधित दुकानदाराविरुद्ध महाराष्ट्र पोलीस कायद्यान्वये कारवाई करण्यात आली. पोलिसांनी दिलेल्या माहितीनुसार, शनिवारी (३१ ऑक्टोबर) मध्यरात्री १२.४५च्या सुमारास संभाजीनगर पोलीस ठाण्याच्या हद्दीत उड्डाणपुलाजवळ ही कारवाई करण्यात आली. यावेळी शब्बीर अकबर काकर (वय ४७, रा. काकर मोहल्ला, परळी) याच्या ताब्यात तांब्याच्या धातूच्या पट्ट्या असलेली नऊ पांढरी पोती आढळली. प्रत्येक पोत्यात अंदाजे ६० किलोप्रमाणे एकूण ५४० किलो तांबे होते. प्रतिकिलो १,५०० रुपये बाजारभावानुसार या साठ्याची किंमत ८ लाख १० हजार रुपये असल्याचे पोलिसांनी नमूद केले. सहाय्यक पोलीस निरीक्षक गोंड यांनी दोन पंचांच्या उपस्थितीत जप्ती पंचनामा करून मुद्देमाल ताब्यात घेतला. तांब्याच्या मालकी हक्काबाबत आणि तो कोठून आणला, याबाबत समाध...

जागरण गोंधळाच्या वादातून तरुणावर कुऱ्हाडीने हल्ला; चौघांविरुद्ध गुन्हा दाखल कार्यक्रम करण्यास विरोध केल्याने वादाचे रूपांतर हाणामारीत; पुतण्याने डोक्यात कुऱ्हाडीने वार करून केले गंभीर जखमी शिरूर कासार : जागरण गोंधळाचा कार्यक्रम करण्यावरून झालेल्या वादातून एका ३१ वर्षीय तरुणावर कुऱ्हाडीने जीवघेणा हल्ला करण्यात आल्याची घटना शिरूर कासार तालुक्यातील झापेवाडी शिवारात घडली. या हल्ल्यात सतीश भोसले हे गंभीर जखमी झाले आहेत. याप्रकरणी चौघांविरुद्ध शिरूर पोलीस ठाण्यात गुन्हा दाखल करण्यात आला आहे. ही घटना २२ ऑक्टोबर रोजी सायंकाळी साडेपाचच्या सुमारास घडली. जागरण गोंधळाचा कार्यक्रम का करता, असा जाब विचारत सतीश भोसले यांची भावजय शालन भोसले, पुतण्या सुरज भोसले, पुतण्याची पत्नी काशी भोसले आणि पुतणी चांदणी भोसले (सर्व रा. शेवगाव, जि. अहिल्यानगर) यांनी त्यांच्याशी वाद घातला. वादाचे रूपांतर पुढे हाणामारीत झाले. यावेळी पुतण्या सुरज भोसले याने सतीश यांच्या डोक्यात कुऱ्हाडीने वार केला. यात ते गंभीर जखमी झाले. या प्रकरणी सतीश भोसले यांच्या फिर्यादीवरून २९ ऑक्टोबर रोजी शिरूर पोलीस ठाण्यात चौघांविरुद्ध गुन्हा द...

चारा टंचाईवर मात करण्यासाठी राज्याचा कृती आराखडा; चारा उत्पादनासाठी जिल्हा नियोजन निधीतील ५ टक्के निधी- पशुसंवर्धन मंत्री ना. पंकजा मुंडे दुष्काळी भागातील चारा टंचाईवर मात करण्यासाठी अभ्यासगटाच्या शिफारशींची अंमलबजावणी चारा बँका, हायड्रोपोनिक्स, अझोला उत्पादनाला प्रोत्साहन ; चारा छावण्यांवर डिजिटल नियंत्रण मुंबई, दि. 30 :  एल-निनोच्या प्रभावामुळे यंदा पावसाचे प्रमाण घटल्याने राज्यात  दुष्काळी परिस्थिती निर्माण झाली आहे. या पार्श्वभूमीवर पशुधनासाठी चाऱ्याची उपलब्धता कायम ठेवण्यासाठी राज्य शासनाने व्यापक कृती आराखडा तयार केला आहे. जिल्हा वार्षिक योजनेंतर्गत चारा उत्पादन, उपलब्ध चाऱ्याचे संवर्धन आणि पर्यायी चारा स्रोत विकसित करण्यासाठी किमान पाच टक्के निधी उपलब्ध करून देण्याचा निर्णय घेण्यात आला आहे. तसेच चारा बँकांची स्थापना, हायड्रोपोनिक्स व अझोला पद्धतीने चारा उत्पादन, आंतरजिल्हा चारा वाहतूक आणि चारा छावण्यांचे डिजिटल पद्धतीने व्यवस्थापन अशा विविध उपाययोजना राबविण्यात येणार आहेत, अशी माहिती पशुसंवर्धन मंत्री पंकजाताई मुंडे यांनी दिली. दुष्काळी परिस्थितीवर उपाययोजना सुचविण्यासा...

  कपिलधार यात्रेतील दिंड्यांसाठी पाणी आणि पोलीस बंदोबस्त द्या शिवकुमार केदारी यांची जिल्हाधिकाऱ्यांकडे मागणी; महाराष्ट्र-कर्नाटकातून ७० हून अधिक दिंड्या येणार परळी वैजनाथ : प्रतिनिधी श्रीक्षेत्र कपिलधार येथे २४ नोव्हेंबर रोजी होणाऱ्या संत शिरोमणी शिवयोगी मन्मथ स्वामी यांच्या कार्तिक पौर्णिमा यात्रेसाठी महाराष्ट्र आणि कर्नाटकातून येणाऱ्या पायी दिंड्यांना पिण्याच्या पाण्याचे टँकर उपलब्ध करून द्यावेत, तसेच भाविकांच्या सुरक्षित प्रवासासाठी प्रमुख मार्गांवर वाहतूक पोलीस तैनात करावेत, अशी मागणी वीरशैव विकास प्रतिष्ठानचे उपाध्यक्ष शिवकुमार राजेश्वर केदारी यांनी जिल्हाधिकाऱ्यांकडे निवेदनाद्वारे केली आहे. या यात्रेसाठी महाराष्ट्र आणि कर्नाटकातील विविध भागांतून ७० हून अधिक पायी दिंड्या कपिलधार येथे दाखल होतात. अनेक दिवसांचा प्रवास करून येणाऱ्या या दिंड्यांमध्ये महिला, ज्येष्ठ नागरिक आणि लहान मुलांसह हजारो भाविक सहभागी असतात. त्यामुळे त्यांच्या मूलभूत सुविधांकडे प्रशासनाने वेळीच लक्ष देण्याची आवश्यकता असल्याचे निवेदनात नमूद करण्यात आले आहे. बीड जिल्ह्यातील दुष्काळसदृश परिस्थिती आणि पाणीट...

  ऐतिहासिक कामगिरी: परळी औष्णिक विद्युत केंद्राच्या युनिट क्रमांक ८ ची सलग १०० दिवस अखंड वीजनिर्मिती औष्णिक विद्युत केंद्र कार्यान्वित झाल्यापासून पहिल्यांदाच कामगिरी परळी वैजनाथ : प्रतिनिधी.... महाराष्ट्र राज्य वीज निर्मिती कंपनीच्या (महानिर्मिती) परळी औष्णिक विद्युत केंद्रातील संच क्रमांक ८ (युनिट ८) ने सलग १०० दिवस अखंड वीजनिर्मिती करून ऐतिहासिक कामगिरी नोंदवली आहे.औष्णिक विद्युत केंद्र कार्यान्वित झाल्यापासून पहिल्यांदाच अशा प्रकारची विक्रमी कामगिरी नोंद झाली असुन मुख्य अभियंता सुनील इंगळे यांनी सर्व अधिकारी व कर्मचारी यांचे अभिनंदन केले आहे. परळी औष्णिक विद्युत केंद्राच्या दृष्टीने सलग १०० दिवसांचे अखंड संचलन हा महत्त्वाचा टप्पा मानला जात असून, या कामगिरीमुळे केंद्रातील अधिकारी व कर्मचाऱ्यांचा उत्साह वाढला आहे. २९ ऑक्टोबर रोजी दुपारी १ वाजून ४० मिनिटांनी या संचाने सलग १०० दिवसांचे अखंड संचलन पूर्ण केले. वीजनिर्मिती क्षेत्रातील ही उल्लेखनीय कामगिरी केंद्रातील अधिकारी, अभियंते, कर्मचारी, कंत्राटदार आणि कंत्राटी कामगार यांच्या सामूहिक प्रयत्नांचे फलित असल्याचे नमूद करून मु...