MB NEWS:परळीत उद्या भाजप - शिवसेनेच्या वतीने सावरकर गौरव यात्रा
परळीत उद्या भाजप - शिवसेनेच्या वतीने सावरकर गौरव यात्रा
छत्रपती शिवाजी महाराज चौकातून रॅलीला होणार सुरुवात ; सावरकर प्रेमींनी मोठया संख्येनं सहभागी होण्याचं आवाहन
परळी वैजनाथ।दिनांक ०५।
भाजपच्या राष्ट्रीय सचिव पंकजाताई मुंडे व खा.डॉ.प्रितमताई मुंडे यांच्या सूचनेनुसार शहरात उद्या भारतीय जनता पक्ष-शिवसेना यांच्या वतीने सावरकर गौरव यात्रा काढण्यात येणार आहे, या यात्रेत पदाधिकारी कार्यकर्ते व सावरकर प्रेमी नागरिकांनी मोठया संख्येनं सहभागी व्हावं असं आवाहन करण्यात आलं आहे.
राहूल गांधी व अन्य काँग्रेसी नेत्याकंडून स्वातंत्र्यवीर सावरकरांचा वारंवार अवमान केला जात आहे, त्याला उत्तर म्हणून सावरकर गौरव यात्रा काढण्यात येत आहे. उद्या भाजपचा स्थापना दिन आहे, त्यानिमित्त ६ एप्रिल रोजी सकाळी ९ वा. छत्रपती शिवाजी महाराज चौक येथून सावरकर गौरव मोटरसायकल रॅली काढण्यात येणार आहे. ही रॅली छत्रपती शिवाजी महाराज चौक येथून निघून बस स्टँड रोड - एक मिनार चौक - अग्रवाल लाॅज - स्टेशन रोड- रामपालजी लोहिया यांचे दुकानाचे काॅर्नर - सुभाष चौक - रोडे चौक - राणी लक्ष्मीबाई टॉवर मार्गे श्री हनुमान मंदिर (मोंढा मार्केट) येथे रॅलीचा समारोप होणार आहे. भाजप-शिवसेनेचे सर्व पदाधिकारी, कार्यकर्ते, सर्व आघाड्यांचे प्रमुख, संस्थांचे पदाधिकारी तसेच सावरकर प्रेमी नागरिक आदींनी या रॅलीत सहभागी व्हावे असे आवाहन भाजपचे तालुकाध्यक्ष सतीश मुंडे, शहराध्यक्ष जुगलकिशोर लोहिया, शिवसेनेचे तालुकाप्रमुख शिवाजीराव शिंदे पाटील, शहर प्रमुख वैजनाथ माने यांनी केले आहे.
••••
-----------------------------------------------------
Click: *सिमेंट फॅक्ट्रीत कामगाराचा मृत्यू
Video news
टिप्पण्या
टिप्पणी पोस्ट करा